ავჭალის სტადიონის საპრესკონფერენციო დარბაზში, მსოფლიო რაგბის 20-წლამდელთა ჩემპიონატის დირექტორი ლაშა ხურციძე ჟურნალისტებს შეხვდა და ტურნირის პირველი ორი სათამაშო დღის საორგანიზაციო საკითხებზე ესაუბრა.გაირკვა, რომ "მსოფლიო რაგბი" ტურნირის ორგანიზებით კმაყოფილია.
"მსოფლიო რაგბის" მიერ დანერგილი წესის თანახმად, ყოველი ტურის მეორე დღეს ვიკრიბებით და განვლილ დღეს განვიხილავთ. ჯერჯერობით არანაირი შენიშვნა არ მიგვიღია და შეფასება იყო - ბრწყინვალედ ორგანიზებული.
ბუნებრივია, მთავარი საკითხი ინგლისისა და უელსის მატჩის მსვლელობისას შუქის ჩაქრობაა, რომელიც გენერატორის გამორთვამ განაპირობა.
- ავჭალაში მსოფლიო რაგბის 20-წლამდელთა ჩემპიონატის მატჩზე შუქი ჩაქრა [VIDEO]
ქალაქიდან
გენერატორის სიმძლავრე 500 კილოვატია და გათვლილია სტადიონის განათებაზე. როდესაც მას მოძრავი სატელევიზიო სადგურიც დაემატა, დატვირთვას ვერ გაუძლო, გამოირთო და გაგრილებას გარკვეული დრო დასჭირდა.
გვქონდა შეხვედრა "მსოფლიო რაგბისა" და გადამღები კომპანიის წარმომადგენლებთან და შევიმუშავეთ მექანიზმი, რათა მსგავსი რამ აღარ განმეორდეს.
შუქის გამორთვის გამო არანაირი შენიშვნა არ მიგვიღია, მით უმეტეს, რომ გენერატორზე მუშაობის მოთხოვნა "მსოფლიო რაგბისგან" მოდიოდა. პრეტენზია არ გამოუთქვამთ არც ინგლისისა და უელსის ნაკრებების წარმომადგენლებს. თამაში შესაძლოა ჭექა-ქუხილის დროსაც გაჩერდეს და საამისოდ შესაბამისი წესები არსებობს".
წყარო: Rugby.ge
ქვეყანას ყავს მოქალაქეები, რომლებიც ბევრად უფრო ძვირად უნდა ფასობდენე წესით ქართული ოფიციალური სტრუქტურებისთვის ვიდრე უცხოელები
და ამ მოქალაქეებს არ უხარიათ ის რაც მოხდა
ძაააალიანაც უკმაყოფილოები ვართ, ძალიან