საქართველოს ნაკრების ყოფილმა კაპიტანმა ირაკლი აბუსერიძემ საფრანგეთის ფედერალ 2 დივიზიონში მოასპარეზე "ოსერი" დატოვა და თბილისის "არმაზთან" ერთწლიანი კონტრაქტი გააფორმა."არმაზმა" უკანა ხაზში ვარსკვლავურ შემადგენლობას მოუყარა თავი. "აბუს" გარდა, გუნდში ირიცხებიან: ყოფილი "ბორჯღალოსანი" გიორგი კიკნაძე და საქართველოს ნაკრების ამჟამინდელი კაპიტანი ირაკლი მაჩხანელი.
შეგახსენებთ, რომ აბუსერიძემ სანაკრებო კარიერა რამდენიმე თვის წინ დაასრულა. მის ანგარიშზე 85 კეპი და 7 ლელოა.
გიორგი ბარბაქაძე
ყოველდღიური სპორტული გაზეთი "ლელო"
