17 თებერვალს, საქართველოს მორაგბეთა ნაკრებმა "შევარდენზე" წლის პირველი ღია ვარჯიში გამართა. "ბორჯღალოსნები" რაგბი ევროპის ჩემპიონატის მეორე ტურში, 19 თებერვალს, რუსთავში გერმანიასთან გასამართი მატჩისთვის ემზადებიან.- მილტონ ჰეიგმა გერმანიასთან მატჩისთვის "ბორჯღალოსნების" სამატჩო რაზმი დაასახელა
ვარჯიშის შემდეგ საქართველოს ნაკრებისა და ინგლისური "ბრისტოლის" მეორეხაზელმა გიორგი ნემსაძემ რაგბის კავშირის პრესსამსახურთან კომენტარი გააკეთა:
"მეორე კვირაა კარგად ვემზადებით და გაწეული სამუშაოთი კმაყოფილები ვართ. მართალია, გასულ კვირაში თამაშის ხარისხი კარგი არ იყო, მაგრამ ეს სათამაშო პირობების ბრალია. ძალიან ცუდ ამინდში და მოედანზე მოგვიხდა თამაში.
ჩვენს გუნდში ახალი
გერმანიის ნაკრებზე მოკლედ ვიტყვი - რუმინეთის ძლევით ის რაგბი ევროპის ჩემპიონატის მოგების ფავორიტად იქცა! ჩვენ მათთან თამაშისთვის ისე ვემზადებით, როგორც ვემზადებოდით და მოვემზადებოდით რუმინეთისთვის, რადგან აქამდე ჩვენი კონკურენტი სწორედ რუმინეთი იყო. ახლა მას გერმანიამ მოუგო, რამაც ეს ნაკრები თასის მოგების პრეტენდენტად აქცია.
წელს პირველ საშინაო შეხვედრას ვატარებთ და მზად ვართ, გულშემატკივრებისთვის მაქსიმუმი დავდოთ".
მომზადებულია rugby.ge-ს მიხედვით
