12 მარტს საქართველოს მორაგბეთა ნაკრებმა "დინამო არენის" სტადიონზე რუსეთის ნაკრები ანგარიშით 28:14 დაამარცხა."ბორჯღალოსნებმა" რაგბი ევროპის ჩემპიონატის მეოთხე ტურის მატჩში ზედიზედ მეოთხე გამარჯვება იზეიმეს.
"ბორჯღალოსნებმა" ანგარიშის გახსნა მალევე, მე-4 წუთზე შეძლეს. ლელოს დამიწება გიორგი კოშაძემ მოახერხა, რომელმაც ნაკრებში ჩატარებულ მეოთხე შეხვედრაში უკვე მეოთხე ლელო მიითვალა.
გიორგი კოშაძის ლელო
![Sportall.Ge](/pictures/artimages/image16/43d4fddb1002a031704450373326db27.jpg ""ბორჯღალოსნები" რუსეთის ნაკრებს პირველი ტაიმის შემდეგ ამარცხებენ [VIDEO]")
მერაბ კვირიკაშვილმა მახვილი კუთხიდან გარდასახვა ზუსტად შეასრულა და ანგარიში 7:0 გახადა.
26-ე წუთზე საქართველომ კიდევ ერთი ლელოს დადება მოახერხა. მერაბ კვირიკაშვილმა ულამაზესი სოლო-რეიდის შემდეგ, სადაც რამდენიმე რუსი მორაგბე ჩამოიტოვა, პასი ვასილ ლობჟანიძეს
ტაიმის მიწურულს რუსებს სხვაობის შემცირება შეეძლოთ, თუმცა ჯარიმა არაზუსტად შეასრულეს.
საბოლოოდ ტაიმი "ბორჯღალოსნების" გამარჯვებით, ანგარიშით 14:0 დასრულდა.
50-ე წუთზე ვასილ ლობჟანიძემ უკვე მეორე ლელო მიითვალა, რასაც კვირიკაშვილმა გარდასახვით 2 ქულა დაუმატა და ანგარიში 21:0 გახადა.
52-ე წუთზე უსიამოვნო ფაქტი მოხდა - მამუკა გორგოძესა და რუს მორაგბეს შორის ინციდენტი დაფიქსირდა, თუმცა მალევე განიმუხტა.
- მამუკა გორგოძემ რუსი მორაგბე ლამის დაახრჩო [VIDEO]
სამწუხაროდ, 55-ე წუთზე რუსებმაც შეძლეს ლელოს დადება. 5 ქულა იური კუშნაროვმა ჩაიწერა. რუსებმა გარდასახვაც ზუსტად შეასრულეს - 21:7.
58-ე წუთზე კვირკაშვილს სხვაობის გაზრდა შეეძლო, თუმცა ჯარიმა ვერ გაიტანა.
67-ე წუთზე კი დავით კაჭარავამ ჩაიწერა ლელო საკუთარ ანგარიშზე, კვირიკაშვილს ამჯერად სიზუსტემ არ უმტყუნა - 28:7.
იხილეთ ვიდეო: საქართველოს ლელოები რუსეთთან მატჩში
![Sportall.Ge](/pictures/artimages/image16/0ace18a56eada2264f480340760b0838.jpg ""ბოჯღალოსნებმა" რუსეთის ნაკრები დაამარცხეს [VIDEO]")
75-ე წუთზე რუსებმა მეორე ლელოს დადება შეძლეს და გარდასახვაც გაიტანეს - 28:14.
საბოლოოდ საქართველომ ანგარიშით 28:14 გაიმარჯვა.
მატჩისშემდგომი კომენტარები:
- "ჩვენ იმდენად კარგად ვთამაშობთ, რამდენადაც ამის საშუალებას მეტოქე გვაძლევს"
- პერვუხინი: ჩვენც გვინდა საქართველოსავით ძლიერი გუნდი და კარგი სტადიონი, მაგრამ...
- მამუკა გორგოძე: პრობლემაა, რომ სუსტ გუნდებთან მობილიზება გვიჭირს
შეგახსენებთ, რომ მომდევნო შეხვედრას "ბორჯღალოსნები" 19 მარტს სტუმრად რუმინეთთან გამართავენ.
ფოტო: Georgian Rugby
