"ბორჯღალოსნები" სამოას ნაკრებთან პირველი ტაიმის შემდეგ მარცხდებიან [VIDEO]

საქართველოს მორაგბეთა ეროვნული ნაკრები, ნოემბრის ტესტების ბოლო მატჩს მიხეილ მესხის სახელობის სტადიონზე, სამოას ნაკრებთან მართავს.

პირველი ტაიმის შემდეგ მილტონ ჰეიგის შეგირდები ძლიერ მეტოქესთან ანგარიშით 6:12 მარცხდებიან. მეტოქემ ორი ლელო გაგვიტანა.

ქვეყნების ჰიმნების დასრულების შემდეგ, სამოელმა მორაგბეებმა "მიხეილ მესხზე" თავიანთი ტრადიციული საბრძოლო რიტუალი "სივა ტაუ" წარმოადგინეს, რამაც სტაიდონზე შეკრებილი გულშემატკივარი გაახალისა.


მატჩის დებიუტი ქართველო მორაგბეების როგორც სათამაშო, ისე ტერიტორიული უპირატესობით წარიმართა. მართალია, ანგარიშის გახსნის შანსი სტუმრებს შეხვედრის მესამე წუთზევე მიეცათ, თუმცა ტუსიატა პისიმ ლამის მოედნის ცენტრიდან საჯარიმო დარტყმით ვერ იხეირა.

სამაგიეროდ, მერაბ კვირიკვაშვილს არ უმტყუნა მიზანმა, რომელმაც მეხუთე წუთზე ზუსტი საჯარიმოთი "ბორჯღალოსნები" წინ გაიყვანა - 3:0.

პირველი ათი წუთის შემდეგ უკვე სტუმრები გააქტიურდნენ. შეხვედრის 13-ე წუთზე კი სამოელებმა ხაზი გაგვიჭრეს და ალაპაატი ლეიუამ ლელოც დაგვიდო. გარდასახვა პისიმ არაზუსტად დაარტყა - 3:5.

მე-19 წუთზე "მეკომ" საქართველოს ნაკრები ანგარიშში კვლავ წინ გაიყვანა. საკმაოდ ხელსაყრელი პოზიციიდან ჯარიმა უნაკლოდ დაარტყა - 6:5.

მატჩის 27-ე წუთზე სამოელებმა მეორე ლელო დაგვიდეს - მოლის შემდეგ ჯეკ ლემმა ცრუმოძრაობით ოთხი ქართველი მორაგბე იოლად მოიშორა და ბურთი ჩათვლის მოედანში დაგვიდო. პისიმ კი გარდასხვა ამჯერად ზუსტად დაარტყა - 6:12.

ტაიმის ბოლოს, მსაჯის მიერ წამატებულ მეორე წუთზე კვირიკაშვილს მიეცა ანგარიშის შემცირების შანსი, თუმცა, დაახლოებით 45 მეტრიდან მისი დარტყმული საჯარიმო უშედეგო აღმოჩნდა.


საქართველო
15. მერაბ კვირიკაშილი, 14. თამაზ მჭედლიძე, 13. დავით კაჭარავა, 12. მერაბ შარიქაძე, 11. გიორგი შკინინი, 10. ლაშა ხმალაძე, 9. გიორგი ბეგაძე. 1. მიხეილ ნარიაშვილი, 2. შალვა მამუკაშვილი, 3. ლევან ჩილაჩავა, 4. კონსტანტინე მიქაუტაძე, 5. ლევან დათუნაშვილი, 6. გიორგი თხილაიშვილი, 7. მამუკა გორგოძე, 8, გიორგი ჩხაიძე.
16. სიმონ მაისურაძე, 17. ზურაბ ჟვანია, 18. დავით ქუბრიაშვილი, 19. გიორგი ნემსაძე, 20. შალვა სუთიაშვილი, 21. ვაჟა ხუციშვილი, 22. თედო ზიბზიბაძე, 23. ბექა წიკლაური.

სამოა
15. ფაჰატოინა აუტანგავა, 14. ალაპაატი ლეიუა, 13. ისაია ტუიფუა, 12. ჯონი ლეოტა, 11. ბრანდო ვაჰაულუ, 10. ტუსიატა პისი, 9. კაენ ფოტუალიჰი. 1. საკარია ტაულაფო, 2. ტიჰი პაულო, 3. ჯეიმზ ჯონსთონი, 4. პიულა ფაასალელე, 5. ტეოფილო პაულო, 6. ოფისა ტრევირანუსი, 7. ჯეკ ლემი, 8. ფაიფილი ლევავე.
16. უეინ ოლე ავეი, 17. ვილიამუ აფატია, 18. ენტონი პერენისე, 19. ჯო ტეკორი, 20. ტაიასინა ტუიფუა, 21. ჯერემი სუჰა, 22. სინოტი სინოტი, 22. კენ პისი.