19 სექტემბერს სარაგბო მსოფლიოს თასის პირველ მატჩში საქართველოს ნაკრები ტონგას დაუპირისპირდება. ამ შეხვედრაში წყნარი ოკეანის მკვიდრები ფავორიტებად განიხილებიან, თუმცა თავად ტონგელები ფრთხილობენ:"საქართველოს ნაკრები ფიზიკურად ძალიან ძლიერი გუნდია. ამ გუნდმა ბოლო ორ წელიწადში უდიდეს პროგრესს მიაღწია. ასე რომ, ძალიან დაძაბულ და ფიზიკური ორთაბრძოლებით აღსავსე მატჩს ველით.
ჩვენც ძალიან ძლიერები უნდა ვიყოთ ფიზიკურად, რომ მეტოქეს ვაჯობოთ", - განაცხადა ტონგელთა ჰუკერმა ალეკი ლუტუიმ.
