უელსის ნაკრების თავკაცი უორენ გეტლენდი თანახმაა შემოდგომით "მილენიუმზე" ეთამაშოს მეორე დონის სარაგბო ქვეყნებს ტესტები. "ამ მსოფლიოს თასის მთელი სილამაზე მეორე დონის ქვეყნების გაბრწყინება იყო. განსაკუთრებით იაპონიის გამარჯვება სამხრეთ აფრიკაზე და საქართველოს მიერ ტონგის დამარცხება. დონეთა შორის სხვაობა შემცირდა, რადგან მეორე დონის ქვეყნებს მოსამზადებლად დროც აქვთ და მათი სულ უფრო მეტი მორაგბე თამაშობს ევროპულ კლუბებში", - განუცხადა გეტლენდმა "ინდეპენდენტს".
"გასულ კვირას ვიყავი რაგბის კავშირში, იქ მკითხეს, რა აზრის ვიყავი შემოდგომის ტესტებზე მეორე დონის გუნდებთან. ჩემი პასუხი იყო დადებითი, რადგან ჩვენც უნდა
წარმოიდგინეთ, რომ უბრალოდ გამორიცხულია საქართველოს ნაკრები ახალ ზელანდიას ეთამაშოს, მსოფლიოს თასის მიღმა. ასე არ უნდა იყოს, მხოლოდ ისეთ გუნდებთან თამაშზე არ უნდა ვიფიქროთ, საიდანაც ფული შემოდის", - აცხადებს გეტლენდი.
როგორც უელსელთა თავკაცის ნალაპარაკებიდან ირკვევა, უელსში სერიოზულად ფიქრობენ მეორე დონის ქვეყნებთან ტესტმატჩის გამართვას "მილენიუმზე" და პირველ რიგში, საქართველოს ნაკრებს გულისხმობენ.
არ გეწყინოს!