"ბორჯღალოსნებმა" სამოა დატოვეს და კუნძულ ფიჯიზე გადაბარგდნენ

საქართველოს ნაკრებმა სამოა დატოვა და მეზობელ კუნძულ ფიჯიზე გადაბარგდა, სადაც 18 ივნისს ტონგას ეროვნულ ნაკრებს დაუპირისპირდება, მერე კი, 24 ივნისს იქვე მასპინძელთა ეროვნულ გუნდთან მოსინჯავს ძალას.

აღსანიშნავია, რომ ფიჯიმ და ტონგამ გასულ უქმეებზე უკვე ითამაშეს. 2019 წლის მსოფლიოს თასის საკვალიფიკაციო მატჩში ფიჯელებმა მეტოქეს შინ, სუვაში 23:18 მოუგეს და ახლა სამოას დაუპირისპირდებიან აპიაში.

სამოასთან ფრედ დასრულებული მატჩის შემდეგ "ბორჯღალოსნები" ორ დღეს დაისვენებენ და ტონგას ნაკრებთან საასპარეზოდ მოემზადებიან. მეტოქეს კარგად ახსოვს 2015 წლის მსოფლიოს თასზე განცდილი მარცხი და რევანშის აღებას შეეცდება.

თამაში სუვაში, თბილისის დროით დილის 4 საათსა და 45 წუთზე დაიწყება.

საქართველოს ნაკრები
პირველი ხაზი: ზურაბ ჟვანია (სტად ფრანსე), კარლენ ასეიშვილი (ბრივი), შალვა მამუკაშვილი (გლაზგო), ჯაბა ბრეგვაძე (ვორსტერი), ანტონ ფეიქრიშვილი (ბაიონი), ირაკლი მირცხულავა (ტარბი), ნიკოლოზ ხატიაშვილი (ორიაკი).
მეორე ხაზი: გიორგი ჩხაიძე (ლილი), გიორგი ნემსაძე (ტარბი), ნოდარ ჭეიშვილი (ლელო)
მესამე ხაზი: შალვა სუთიაშვილი (ანგულემი), გიორგი თხილაიშვილი (ბათუმი), ლაშა ლომიძე (ბეზიე), ბექა ბიწაძე (შამბერი), საბა შუბითიძე (აკადემია), გიორგი მჭედლიშვილი (ჯიქი)
#9: ვაჟა ხუციშვილი (ლოკომოტივი), გიორგი ბეგაძე (ყოჩები)
#10: რეზო ჯინჭველაშვილი (აია), ლაშა ხმალაძე (ლელო), ლაშა მალაღურაძე (კრასნი იარი)
#12-13: დავით კაჭარავა (ენისეი), მერაბ შარიქაძე (ორიაკი), თამაზ მჭედლიძე (აჟენი)
#11-14: ალექსანდრე თოდუა (ლელო), გიორგი ფრუიძე (აია), ანზორ სიჭინავა (აკადემია)
#15: ბექა წიკლაური (ლოკომოტივი), მერაბ კვირიკაშვილი (მონლუსონი)

ტონგას ნაკრები
შერკინება: სიონე ფალეტაუ, ბენ ტამეიფუნა, სილა პუაფისი, ლეო ჰალავატაუ, სიონე ლეა, ელვის ტაიონე, სიონე ანგააელანგი, სტივ მაფი, დანიელ ფალეაფა, უილი კოლოოფაი, ჯეკ რამი, ნილი ლატუ, სიონე კალამაფონი, სიომე ტაუ, ვილიამი ფიჰაკი, მიქაელე მაფი.
უკანა ხაზი: სონატანე ტაკულუა, უეინ ნგალუაფე, ლატიუმე ფოსიტა, მარტინ ნაუფაჰუ, დევიდ ჰალაიფონუა, ნაფი ტუიტავაკე, ვილიამი ლონგი, ოტულეა კატოა, ვილიამი ჰაკოლო, დანიელ კილიონი, ვილიამი ტაჰიტაუა, აპაკუკი მააფუ, დანიელ ჰალანგაჰუ, ატიელი პაკალანი, კუპერ ვუნა

ივნისის ტესტები
18 ივნისი
საქართველო-ტონგა

24 ივნისი
საქართველო-ფიჯი.

(იბეჭდება მცირე ცვლილებით)
ყოველდღიური სპორტული გაზეთი "ლელო"