სამშობლოში დღეს დაბრუნებულმა საქართველოს მორაგბეთა ეროვნული ნაკრების კაპიტანმა შალვა სუთიაშვილმა "ბორჯღალოსანთა" მიერ ოკეანეთის ტურნეზე მოპოვებულ წარმატებაზე კომენტარი გააკეთა.შეგახსენებთ, რომ ოკეანეთის ტურნე ქართველმა მორაგბეებმა ორი გამარჯვებითა და ერთი ფრით დაასრულეს, რითაც რეიტინგში ისტორიული მე-11 ადგილი დაიკავეს.
- ოფიციალურად: საქართველოს მორაგბეთა ნაკრები მსოფლიოში მე-11 გუნდია
"თავისთავად, ველოდით ამ შედეგს, რადგან იქ მოსაგებად წავედით. ამ ტურნეს შემდეგ რეიტინგში მე-10 პოზიციაზე მოხვედრა გვსურდა, თუმცა რას ვიზამთ, მე-11 ადგილიც კარგია. კმაყოფილები და ოდნავ დაღლილები ვართ.
მართალია, იმ 15 შეხვედრაში, სადაც ნაკრებს ვუკაპიტნე, არ წაგვიგია
ნოემბერში რამდენიმე ტესტ-მატჩი გველის, სადაც მიზანი რეიტინგში ადგილის გამყარება იქნება, თუმცა დიდი შანსია ათეულში შესვლის და ვეცდებით მივაღწიოთ ამ შედეგს", - განაცხადა კაპიტანმა.
აქვე გეტყვით, რომ სუთიაშვილმა ნაკრები კაპიტნის სამკლაურით მოედანზე სულ 15-ჯერ გაიყვანა, საიდანაც 14-ჯერ ჩვენმა გუნდმა მოიგო, ერთი შეხვედრა კი ფრედ დასრულდა.
![დიდებული პირველი ტაიმის შემდეგ საქართველოს ნაკრები იტალიასთან დამარცხდა [VIDEO]](/pictures/image7/76b9fbee4c9a672a0528d182d6155e68.jpg "დიდებული პირველი ტაიმის შემდეგ საქართველოს ნაკრები იტალიასთან დამარცხდა [VIDEO]")
