americasrugbynews.com-ის ინფორმაციით, 2017 წლის ზაფხულში საქართველოს მორაგბეთა ნაკრები ტესტ-მატჩს არგენტინასთან ქალაქ ხუხუიში გამართავს. ჩრდილოარგენტინულ ქალაქს ინგლისელთა მასპინძლობა სურდა, მაგრამ ახლა მთავარი კანდიდატია, რომ 2017 წლის 24 ივნისს "პუმებისა" და "ბორჯღალოსნების" მატჩს დაუხვდეს.
კარლოს ვაკა აგილარი, ხუხუის პროვინციის საერთაშორისო კოორდინატორი: "ჩვენ გვრჩება კარგი შანსი, სხვა ევროპულ ნაკრებს ვუმასპინძლოთ, რომელიც მსოფლიოს თასზე თამაშობს - ეს საქართველოა".
გაისად "ბორჯღალოსნები" ზაფხულის ტესტებს სამხრეთ ამერიკაში გამართავენ, სადაც არგენტინასთან ერთად, სავარაუდოდ, ბრაზილიასა და ურუგვაისაც შეხვდებიან.
