ამბობენ, ნამდვილი ამბავიაო: რუსეთ-იაპონიის ომში ბავშვობიდან ფარიკაობაში გამოწვრთნილმა ხევსურმა იაპონელი სამურაების ოცეული მოიგერიაო. სამართლიანი შერკინება იყო? ბევრს ამ შეკითხვაზე უარყოფითი პასუხი ექნება - რა უნდოდა ქართველს შორეულ აღმოსავლეთში, რას ედავებოდა იაპონელებსო...გავიდა დრო და იაპონელები უკვე თბილისში ჩამოვიდნენ, ოღონდ სამართლიანი ბრძოლისთვის - 12 ნოემბერს საქართველო და იაპონია ერთმანეთს რაგბიში გაეჯიბრებიან. სწორედ ახლა გამოჩნდება, თხუთმეტი-თხუთმეტზე ბრძოლაში ჩვენ უფრო მაგრები ვართ თუ სამურაები.
ცნობისთვის, "ბორჯღალოსნებს" იაპონელებთან აქამდე ოთხჯერ უთამაშიათ. საერთო ანგარიში "ამომავალი მზის ქვეყნის" შვილების სასარგებლოდაა - 3:1.
ბორჯღალს გაუმარჯოს!
მართალია, გადმოცემა ამას ამბობს! იმასაც ამბობს, რომ ქართველების საბრძოლო ოსტატობითა და შემართებით გაოცებულმა იაპონელებმა, დაღუპულ ხევსურებს, სამხედრო პატივი მიაგეს, როგორც ღირსეული მებრძოლთა წესია!