საფრანგეთის ჩემპიონატი ახლახან დასრულდა, თუმცა სატრანსფერო ციებ-ცხელება აქ დიდი ხანია დაწყებულია. ყოველდღიური ფრანგული სარაგბო გაზეთის, "მიდი ოლიმპიკის" ინფორმაციით, მეორე დივიზიონის "დაქსმა" კონტრაქტი გააფორმა საქართველოს ნაკრების შერკინების კვაჭ შალვა მამუკაშვილთან, რომელიც აქამდე "სამედიცინო ჯოკერად" ირიცხებოდა "ტულონში".
შეგახსენებთ, რომ ქართველ მორაგბეს, რომელიც "ყოჩების" აღზრდილია, აქამდე ინგლისურ "სეილ შარქსში", შოტლანდიურ "გლაზგო ვორიორზსა" და ფრანგულ "მონპელიეში" უთამაშია. მამუკაშვილი 26 წლისაა და ეროვნულ ნაკრებში 44 კეპი მოიხვეჭა.
"დაქსში", რომელმაც მეორე დივიზიონში მე-14 ადგილი დაიკავა და გავარდნას გადაურჩა, გასულ სეზონში შერკინების ქართველი ბურჯი ელიზბარ ყუფარაძე თამაშობდა.
(იბეჭდება
ყოველდღიური სპორტული გაზეთი "ლელო"
