ევროთასების გათამაშებაში ჯგუფური ტურნირის პირველი წრე დასრულდა. ჩემპიონთა თასზე სამი ტურის შემდეგ თავიანთ ჯგუფებში ქართველ მორაგბეთა ოთხი გუნდი ლიდერობს. ესენია: "კლერმონი", "ტულონი", "ტულუზი" და "მეტრო რასინგი".
A ჯგუფში, სადაც ქართველ მორაგბეთა ორი გუნდი - "კლერმონი" და "სეილ შარქსი" ასპარეზობს, ლიდერი ჩვენებურთა ფრანგული გუნდია. ვიქტორ კოლელიშვილისა და დავით ზირაქაშვილის "ვულკანებმა" სტუმრად დაამარცხეს აქამდელი პირველადგილოსანი ირლანდიური "მანსტერი" - 16:9. ზირაქაშვილი თამაშში 69-ე წუთიდან ჩაერთო, კოლელიშვილი ტრავმირებულია.
შალვა მამუკაშვილის ინგლისური "სეილ შარქსი" კი ჯგუფის აუტსაიდერია. "ზვიგენებმა" შინ წააგეს "სარასენზთან" - 15:19. მამუკაშვილი მოედანზე
მამუკა გორგოძის, ლევან ჩილაჩავასა და კონსტანტინე მიქაუტაძის "ტულონმა" სტუმრად პირველი მარცხი იგემა ინგლისურ "ლესტერ ტაიგერზთან" - 21:25. მიუხედავად ამისა, ჩვენებურთა გუნდი გათამაშების ლიდერია.
ამ შეხვედრაში თითქმის ორთვიანი მკურნალობის შემდეგ მოედანს დაუბრუნდა საქართველოს ნაკრების მესამეხაზელი მამუკა გორგოძე, რომელიც ძირითად შემადგენლობაში იყო და 67-ე წუთზე შეცვალეს.
მიქაუტაძე და ჩილაჩავა განაცხადში არ იყვნენ. ამავე ჯგუფში ირლანდიურმა "ალსტერმა" შინ დაამარცხა უელსური "ჰლანეჰლი" - 24:9.
D ჯგუფში დაუმარცხებლად ლიდერობს ვასილ კაკოვინის "ტულუზი", რომელმაც მესამე ტურში შინ მოუგო შოტლანდიურ "გლაზგოს" - 19:11. კაკოვინი ძირითად შემადგენლობაში იყო და 78-ე წუთზე შეცვალეს.
ამავე ჯგუფში თამაშობს მიხეილ ნარიაშვილის "მონპელიეც", რომელმაც შინ მოულოდნლად დიდი სხვაობით წააგო "ბასთან" - 5:30. ნარიაშვილს არ უთამაშია. მონპელიელებს ჯერ ერთხელაც არ მოუგიათ და, სავარაუდოდ, პლეი ოფში მოხვედრისთვის ბრძოლას შეწყვეტენ.
E ჯგუფში დავით ხინჩაგიშვილის "მეტრო რასინგი" ლიდერობს, რომელმაც სტუმრად ფრედ ითამაშა უელსურ "ოსფრიზთან" - 19:19. საქართველოს ნაკრების შერკინების ბურჯი ტრავმირებულია და არ უთამაშია. ამავე ჯგუფში ინგლისურმა "ნორსჰემპთონმა" სტუმრად მოუგო იტალიურ "ბენეტონს" - 38:15.
ჩემპიონთა თასი
A ჯგუფი
სეილ შარქსი-სარასენზი 15:19, მანსტერი-კლერმონი 9:16
სატურნირო მდგომარეობა
1. კლერმონი - 10 ქულა, 2. მანსტერი - 9, 3. სარასენზი - 9, 4. სეილ შარქსი - 2.
IV ტური
სარასენზი-სეილ შარქსი, კლერმონი-მანსტერი
B ჯგუფი
კასტრი-ვოსფსი 17:32, ჰალიქვინზი-ლენსტერი 24:18
სატურნირო მდგომარეობა
1. ჰარლიქვინზი - 12 ქულა, 2. ლენსტერი - 9, 3. ვოფსი - 7, 4. კასტრი - 1.
IV ტური
ლენსტერი-ჰარლიქვინზი, ვოსფსი-კასტრი
C ჯგუფი
ალსტერი-ჰლანეჰლი 24:9, ლესტერ ტაიგერზი-ტულონი 25:21
სატურნირო მდგომარეობა
1. ტულონი - 9 ქულა, 2. ლესტერ ტაიგერზი - 8, 3. ალსტერი - 6, 4. ჰლანეჰლი - 4.
IV ტური
ტულონი-ლესტერ ტაიგერზი, ჰლანეჰლი-ალსტერი
D ჯგუფი
მონპელიე-ბასი 5:30, ტულუზი-გლაზგო 19:11
სატურნირო მდგომარეობა
1. ტულუზი - 12 ქულა, 2. გლაზგო - 9, 3. ბასი - 5, 4. მონპელიე - 2.
IV ტური
ბასი-მონპელიე, გლაზგო-ტულუზი
E ჯგუფი
ბენეტონი-ნორსჰემპთონი 15:38, ოსფრიზი-მეტრო რასინგი 19:19
სატურნირო მდგომარეობა
1. მეტრო რასინგი - 10, 2. ნორსჰემპთონი - 10 ქულა, 3. ოსფრიზი - 7, 4. ბენეტონი - 0.
IV ტური
ნორსჰემპთონი-ბენეტონი, მეტრო რასინგი-ოსფრიზი
* * *
"ემლინ ჩელენჯ კაპის" გათამაშებაში ქართველ მორაგბეთა გუნდები ვერ ლიდერობენ, თუმცა რამდენიმე მათგანი პლეი ოფში გასვლის შანსს მაინც ინარჩუნებს.B ჯგუფში ლექსო ყაულაშვილის "ლა როშელი" ბოლო ადგილზეა. ჩვენებურის გუნდმა შინ წააგო ინგლისურ "ექსეტერთან" - 10:36. ყაულაშვილი თამაშში 52-ე წუთიდან ჩაერთო და 77-ე წუთზე მატჩის არბიტრმა გაასინბინა.
C ჯგუფში დავით ქუბრიაშვილისა და ზურაბ ჟვანიას "სტად ფრანსემ" სტუმრად წააგო ინგლისურ "ნიუკასლთან" - 23:30 ქუბრიაშვილი ძირითად შემადგენლობაში იყო და 55-ე წუთზე შეცვალეს, ჟვანია მოედანზე 66-ე წუთიდან გამოჩნდა.
D ჯგუფში ზაზა ნავროზაშვილის "ბორდო" პირველ ადგილზე გასვლისთვის იბრძვის. ბორდოელებმა მესამე ტურში შინ მოუგეს "ლიონს" - 37:29. ნავროზაშვილს არ უთამაშია.
გოდერძი შველიძის, ანტონ ფეიქრიშვილისა და კარლენ ასეიშვილის "ბრივი" E ჯგუფის აუტსაიდერია. ბრიველებმა ზედიზედ მესამედ წააგეს, ამჯერად შინ "ოიონაქსთან" - 22:30.
ფეიქრიშვილმა თავისთვის ახალ გუნდში პირველად ითამაშა. ის მოედანზე 41-ე წუთიდან გამოჩნდა, ასეიშვილი თამაშში 70-ე წუთიდან ჩაერთო.
ემლინ ჩელენჯ კაპი
A ჯგუფი
გრენობლი-როვიგო 68:10, კარდიფი-ლონდონ აირიში 24:14
სატურნირო მდგომარეობა
1. კარდიფი - 14 ქულა, 2. ლონდონ აირიში - 9, 3. გრენობლი - 5, 4. როვიგო - 0.
IV ტური
როვიგო-გრენობლი, ლონდონ აირიში-კარდიფი
B ჯგუფი
ლა როშელი-ექსტერი 10:36, ქონოთი-ბაიონი 42:19
სატურნირო მდგომარეობა
1. ექსეტერი - 11 ქულა, 2. ქონოთი - 10, 3. ბაიონი - 4, 4. ლა როშელი - 4.
IV ტური
ექსეტერი-ლა როშელი, ბაიონი-ქონოთი
C ჯგუფი
ნიუკასლი-სტად ფრანსე 30:23, ბუქარესტი-ნიუპორტი 10:37
სატურნირო მდგომარეობა
1. ნიუკასლი - 14 ქულა, 2. ნიუპორტი - 11, 3. სტად ფრანსე - 5, 4. ბუქარესტი - 1.
IV ტური
სტად ფრანსე-ნიუკასლი, ნიუპორტი-ბუქარესტი
D ჯგუფი
ბორდო-ლიონი 37:29, ედინბურგი-ლონდონ ველში 25:13
სატურნირო მდგომარეობა
1. ედინბურგი - 12 ქულა, 2. ბორდო - 11, 3. ლიონი - 4, 4. ლონდონ ველში - 0.
IV ტური
ლიონი-ბორდო, ლონდონ ველში-ედინბურგი
E ჯგუფი
ბრივი-ოიონაქსი 22:30, გლოსტერი-ზებრე 35:10
სატურნირო მდგომარეობა
1. გლოსტერი - 14 ქულა, 2. ოიონაქსი - 8, 3. ზებრე - 4, 4. ბრივი - 1.
IV ტური
ზებრე-გლოსტერი, ოიონაქსი-ბრივი
ყოველდღიური სპორტული გაზეთი "ლელო"
