ქართული ლეგიონი: მხოლოდ ერთი ლიდერობს, თერთმეტი იბრძვის

ფოტოზე: ბურთით გიორგი ჩხაიძე

საფრანგეთის სარაგბო ჩემპიონატის ფედერალ 1 დივიზიონში გათამაშება განახლდა.

მე-12 ტურის მატჩების შემდეგ ლიდერი მხოლოდ ერთი "ქართული გუნდია". პლეი ოფში მოსახვედრად კი ქართველ მორაგბეთა ერთბაშად 11 გუნდი იბრძვის.

A ჯგუფში ხუთი მატჩიდან ოთხში სტუმრებმა მოიგეს. ერთადერთი, რომელმაც საშინაო არენაზე გაიმარჯვა, გიორგი ჩხაიძისა და გიო სორდიას "ლილია".

დავით ბოლღაშვილის გაწვრთნილმა ლილელებმა საკუთარ მოედანზე დაამარცხეს ავთანდილ კოპალიანის "ბობინი" - 28:14 და ახლა 36 ქულით მეორე ადგილზე არიან. ჩხაიძემ სრულად ითამაშა, სორდია მოედანზე არ გამოჩენილა.

გათამაშებას ამ ჯგუფში "ნევერი" ლიდერობს, რომელიც "ლილს" 18 ქულით უსწრებს. ნევერელებმა მე-12 ტურში სტუმრად დაამარცხეს მერაბ კვირიკაშვილის, ლევან მოდებაძისა და რეზო გიგაურის "მონლუსონი" - 35:6.

კვირიკაშვილმა, რომელმაც სრულად ითამაშა, ერთი საჯარიმო გაიტანა. მოდებაძე თამაშში მეორე ტაიმიდან ჩაერთო.

საპლეიოფო ოთხეულს მიუახლოვდა გიორგი გაბელიასა და რევაზ ჟღენტის "ბერჟერაკი", რომელმაც სტუმრად დაამარცხა ირაკლი ნინიძის "ლორმონი" - 36:29.

სტუმრად მოიგო კიდევ ერთმა "ქართულმა გუნდმა": ბაჩუკი გუჯარაიძის, ბექა ურჯუკაშვილისა და ნიკოლოზ კაზალიკაშვილის "ლიმოჟმა" გიორგი მენაბდიშვილისა და ირაკლი ნატრიაშვილის "ტულეს" აჯობა - 41:23. ლიმოჟელები ამ გამარჯვების შემდეგ მესამე საფეხურზე დამკვიდრდნენ.

A ჯგუფი
ლილი-ბობინი 28:14, პერიგო-ლიბურნი 15:16, მონლუსონი-ნევერი 6:35, ტულე-ლიმოჟი 23:41, ლორმონი-ბერჟერაკი 29:36.

სატურნირო მდგომარეობა
1. ნევერი - 54 ქულა, 2. ლილი - 36, 3. ლიმოჟი - 35, 4. მონლუსონი - 31, 5. ბერჟერაკი - 30, 6. პერიგო - 24, 7. ტულე - 22, 8. ლიბურნი - 20, 9. ლორმონი - 17, 10. ბობინი - 12.

XIII ტური
ბობინი-ტულე, ნევერი-ბერჟერაკი, პერიგო-ლორმონი, ლიბურნი-ლილი, ლიმოჟი-მონლუსონი.

B ჯგუფში გიორგი სულუაშვილის "ბურგ ან ბრესს" პირველობას "ობენა" ეცილება. ბურგელებმა, რომლებიც კონკურენტს ორი ქულით ჩამორჩებიან და მეორე ადგილზე იმყოფებიან, შინ დაამარცხეს "შალონი" - 38:29.

"ბურგ ან ბრესს" ორი ქულით ჩამორჩება და მესამე ადგილზეა საბა ქართველიშვილის "შამბერი", რომელმაც შინ იოლად მოუგო გურამ კავთიძის "მაკონს" - 39:9. ქართველიშვილი ძირითად შემადგენლობაში იყო.

პლეი ოფში მოხვედრისთვის იბრძვის ასტამურ იოსელიანის "რომანიც", რომელმაც სტუმრად წააგო ნოდარ ჭეიშვილის "ლა სეინთან" - 17:21.

დავით ბალანჩივაძის "ლა ვულემ" შინ დიდი ანგარიშით დაამარცხა გიორგი ჯაშიტაშვილის, მიხეილ გაჩეჩილაძისა და რევაზ ბელქანიას "კარკერენი - 53:21.

თემურ გელანტიას აუტსაიდერმა "ტრიკასტინმა" სერიოზული ბრძოლა გაუმართა ლიდერ "ობენას", თუმცა მინიმალური სხვაობით მაინც დამარცხდა - 25:26.

B ჯგუფი
ლა ვულე-კარკერენი 53:21, ობენა-ტრიკასტინი 26:25, ლა სეინი-რომანი 21:17, ბუგ ან ბრესი-შალონი 38:29, შამბერი-მაკონი 39:9.

სატურნირო მდგომარეობა
1. ობენა - 41 ქულა, 2. ბურგ ან ბრესი - 39, 3. შამბერი - 37, 4. მაკონი - 33, 5. რომანი - 33, 6. შალონი - 31, 7. ლა ვულე - 20, 8. ლა სეინი - 19, 9. კარკერენი - 11, 10. ტრიკასტინი - 7.

XIII ტური
შამბერი-ბურგ ან ბრესი, ტრიკასტინი-ლა ვულე, რომანი-ობენა, შალონი-ლა სეინი, კარკერენი-მაკონი.

C ჯგუფში პლეი ოფში მოხვედრისთვის იბრძვის ტარიელ დონაძის "როდეზი". ჩვენებურის გუნდი, რომელმაც მე-12 ტურში შინ დაამარცხა "სენ სულპისე" - 19:12, 29 ქულით მე-5 ადგილზეა.

როდეზელებს მეოთხეადგილოსანი "ანგულემი" ოთხი ქულით უსწრებს.

C ჯგუფი
ვანი-ლანჟონი 40:25, კასტანე-ანგულემი 13:19, ტიროსი-სენ ჟან დე ლუზი 53:5, კონიაკი-სენ ნაზერი 15:13, როდეზი-სენ სულპისე 19:12.

სატურნირო მდგომარეობა
1. ვანი - 40 ქულა, 2. ტიროსი - 35, 3. ლანჟონი - 34, 4. ანგულემი - 33, 5. როდეზი - 29, 6. კასტანე - 29, 7. სენ ნაზერი - 28, 8. კონიაკი - 19, 9. სენ ჟან დე ლუზი - 15, 10. სენ სულპისე - 14.

XIII ტური
როდეზი-ვანი, სენ ჟან დე ლუზი-კასტანე, სენ ნაზერი-ტიროსი, სენ სულპისე-კონიაკი, ანგულემი-ლანჟონი.

D ჯგუფის ლიდერი ნიკა პატარაიასა და გიორგი ზაქაშვილის "ექსია", რომელმაც შინ დაამარცხა ბექა ბურდიაშვილის "გროლე" - 29:10. ექსელებს, ფაქტობრივად, განაღდებული აქვთ პირველი ადგილი, რადგან მეორეადგილოსან თორნიკე ლომიძის "ოშს" 17 ქულით უსწრებენ. ოშელებმა შინ დაამარცხეს "ოლორონი" - 23:15.

"ოში", თავის მხრივ, ხუთი ქულით უსწრებს მესამეადგილოსან ლაშა მალაღურაძის "ბაგნერეს".

ჩვენებურის ამ გუნდმა შინ მოუგო "ლანამეზანს" - 19:3. მალაღურაძე განაცხადში არ იყო.

სიმონ მაისურაძის "ვალანსი" კი ორი ქულით ჩამორჩება "ბაგნერეს" და მეოთხე ადგილზეა.

ვალანსელებმა სტუმრად დაძაბულ ბრძოლაში დაამარცხეს "ბლანიაკი" - 16:15.

ლადო გუნიავასა და ნიკოლოზ გიორგაძის "აგდი" სტუმრად დამარცხდა "მოლეონთან" - 15:30.

ჩვენებურთა გუნდი ამ მარცხის შემდეგ 18 ქულით მე-8 ადგილზეა.

D ჯგუფი
ოში-ოლორონი 23:15, ექსი-გროლე 29:10, ბაგნერე-ლანამეზანი-19:3, ბლანიაკი-ვალანსი 15:16, მოლეონი-აგდი 30:15.

სატურნირო მდგომარეობა
1. ექსი - 54 ქულა, 2. ოში - 37, 3. ბაგნერე - 32, 4. ვალანსი - 30, 5. ოლორონი - 30, 6. ბლანიაკი - 26, 7. მოლეონი - 18, 8. აგდი - 18, 9. ლანამეზანი - 16, 10. გროლე - 14.

XIII ტური
ოში-მოლეონი, ლანამეზანი-ექსი, ვალანსი-ბაგნერე, ოლორონი-ბლანიაკი, გროლე-აგდი.

ყოველდღიური სპორტული გაზეთი "ლელო"