საქართველოს ნაკრების შერკინების ბურჯმა დავით ქუბრიაშვილმა შესაძლოა პარიზული "სტად ფრანსე" დატოვოს. ქართველი მორაგბე ამ გუნდში შარშან ჩაირიცხა და საფრანგეთის ჩემპიონატში 26 მატჩი გამართა. წლევანდელ სეზონში კი მას პარიზელთა რიგებში ერთხელაც არ უთამაშია.
ფრანგული მედიის ცნობით, შესაძლებელია მორაგბე და კლუბი კონტრაქტის გაწყვეტაზე შეთანხმდნენ, რომელიც მიმდინარე სეზონის ბოლოს იწურება.
ქუბრიაშვილმა, ყოველდღიური სარაგბო გაზეთის, "მიდი ოლიმპიკის" ცნობით, უკვე დაამყარა კონტაქტი თავის ყოფილ კლუბ "მონპელიესთან" და ელიტური, მეორე დივიზიონის ლიდერ "ლიონთან".
(იბეჭდება მცირე ცვლილებით)
ყოველდღიური სპორტული გაზეთი "ლელო"
