საფრანგეთის ჩემპიონატის ელიტურ, მეორე დივიზიონში გათამაშება ქართველ მორაგბეთა გუნდების ფინალური მატჩით დასრულდა. ანტონ ფეიქრიშვილის ბასკურმა "ბაიონმა" ლევან დათუნაშვილის, მერაბ შარიქაძისა და ნიკოლოზ ხატიაშვილის "ორიაკს" 21:16 მოუგო და ელიტურ, პირველ დივიზიონში თამაშის უფლება მოიპოვა.
დათუნაშვილმა სრულად ითამაშა, შარიქაძე 69-ე წუთზე შეცვალეს, ფეიქრიშვილი თამაშში მე-14 წუთიდან ჩაერთო, ხატიაშვილი განაცხადში არ იყო.
შეგახსენებთ, რომ კიდევ ერთი საგზური ქართველი მორაგბეების, ზაზა ნავროზაშვილისა და გიორგი ჯავახიას "ლიონმა" ავტომატურად მოიპოვა მეორე დივიზიონში პირველი ადგილის დაკავების გამო.
(იბეჭდება მცირე ცვლილებით)
ყოველდღიური სპორტული გაზეთი "ლელო"
!["ამჟამად არ გვეძლევა შესაძლებლობა, რომ ვითამაშოთ დიდ ბიჭებთან; შეგვიძლია თუ არა, დავამარცხოთ იტალია და ინგლისი?" - მერაბ შარიქაძისა და რიჩარდ კოკერილის ინტერვიუ [VIDEO]](/pictures/image7/13a43da2348df77665f619fb325bd0f1.png "\"ამჟამად არ გვეძლევა შესაძლებლობა, რომ ვითამაშოთ დიდ ბიჭებთან; შეგვიძლია თუ არა, დავამარცხოთ იტალია და ინგლისი?\" - მერაბ შარიქაძისა და რიჩარდ კოკერილის ინტერვიუ [VIDEO]")
