საფრანგეთის სარაგბო ჩემპიონატის ელიტურ, პირველ დივიზიონში მოასპარეზე "მონპელიეში" შესაძლოა კიდევ ერთი ქართველი მორაგბე გამოჩნდეს. გასულ უქმეებზე "მონპელიეს" შერკინების კვაჭი, სამხრეთაფრიკელი ბისმარკ დუ პლესი დაშავდა, რის გამოც, იგი მოედანზე მინიმუმ, სამი თვის განმავლობაში ვერ გავა. მის შემცვლელად მონპელიელები ახალზელანდიელ კევინ მეალამუს და საქართველოს ნაკრებისა და "ყოჩების" შერკინების კვაჭს შალვა მამუკაშვილს მოიაზრებენ.
საქართველოს ნაკრების 25 წლის მორაგბე საფრანგეთში შაბათს ჩავა და "მონპელიეს" მწვრთნელები ტესტებს ჩაუტარებენ. თუ მამუკაშვილმა მათი მოთხოვნები დააკმაყოფილა, "მონპელიეს" ქართულ ლეგიონს, მიხეილ ნარიაშვილს, დავით ქუბრიაშვილს, კონსტანტინე მიქაუტაძესა და გაგი ბაზაძეს
შეგახსენებთ, რომ აგვისტოს ბოლოს "მონპელიესთან" წინასწარი კონტრაქტი გააფორმა "ბორჯღალოსანმა" ლაშა ლომიძემ და ამ გუნდში მომავალი, 2017-2018 წლის სეზონში ითამაშებს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
