რაგბის კავშირის პრეზიდენტის არჩევნები ჯანსაღ გარემოში უნდა ჩატარდეს, - ამის შესახებ სოციალურ ქსელში გავრცელებულ განცხადებაში პრეზიდენტობის კანდიდატი ირაკლი აბუსერიძე აღნიშნავს.აბუსერიძე იმედს გამოთქვამს, რომ "საარჩევნო პროცესი რაგბის თამაშის მთავარი პრინციპების გათვალისწინებით - კეთილსინდისიერად ჩაივლის".
"დღესდღეობით ქართული რაგბი წარმატებასთან ასოცირდება. ბედნიერი ვარ, რომ 16 წლის ასაკში არჩევანი სწორედ სპორტის ამ ვაჟკაცურ და ღირსეულ სახეობაზე გავაკეთე. ამ პერიოდში ქართული რაგბი საკმაოდ მძიმე მდგომარეობაში იყო, თუმცა ჩვენმა მორაგბეებმა ყველაფერი გააკეთეს იმისთვის, რომ ქვეყანაში რაგბისადმი ინტერესი კიდევ უფრო გაზრდილიყო. საქართველოს მორაგბეთა ეროვნული ნაკრები საქართველოში
კარიერის დასრულების შემდეგ რაგბის კავშირის სპორტული დირექტორის თანამდებობაზე გავაგრძელე მუშაობა. სწორედ ამ პერიოდში, კიდევ უფრო მკვეთრად დავინახე ამ სფეროში არსებული ძირეული პრობლემები. მაშინ, როცა ქართული რაგბი მსოფლიოს ასპრეზზე ახალი გამოწვევების წინაშე დგას, ვთვლი, რომ ჩემი და ჩემი გუნდის გამოცდილება, რაც წლების მანძილზე დაგვიგროვდა, ქართული რაგბის მომავალს უნდა მოვახმაროთ", - აღნიშნავს აბუსერიძემ.
იგი აცხადებს, რომ ემიჯნება საარჩევნო პროცესში ყველანაირ ჩარევას და ეს რაგბის კავშირის გამგეობის სხდომაზეც დააფიქსირა.
"გამგეობის წევრებმა, მათ შორის, მე, ოფიციალურ წერილზე ხელმოწერით დავადასტურეთ, რომ არჩევნები ჯანსაღ გარემოში უნდა ჩატარდეს. მაქვს იმედი, რომ საარჩევნო პროცესი რაგბის თამაშის მთავარი პრინციპების გათვალისწინებით - კეთილსინდისიერად ჩაივლის", - აცხადებს აბუსერიძე.
საქართველოს რაგბის კავშირის პრეზიდენტის არჩევნები 20 დეკემბერს გაიმართება.
პრეზიდენტობისთვის ორი კანდიდატი - ნაკრების ყოფილი კაპიტანი ირაკლი აბუსერიძე და მოქმედი პრეზიდენტი გიორგი ნიჟარაძე იბრძოლებს.
ასევე იხილეთ:
არჩევნებში ჩარევის მცდელობა შეიმჩნევა! - საქართველოს რაგბის კავშირის განცხადება
ტარიელ ხეჩიკაშვილი: სახელმწიფოს მხრიდან ეს გამორიცხულია
გ.ნიჟარაძის
და ფედერაციის სერიოზული და პასუხისმგებლობით სავსე მუშაობის შედეგი და დამსახურება უპირატესად ის წარმატებები,რაც ქართულ რაგბს გააჩნია
და შენ ა მ ბ ი ც ი ე ბ ი მოთოკე!!!