შოტლანდიის ეროვნული ნაკრები ექვსი ერის გათამაშების მორიგი, მეორე ტურის მტჩში სტუმრად ითამაშებს უელსის ნაკრებთან. "სკოტების" ინგლისელმა თავკაცმა ენდი რობინსონმა, იმ შემადგენლობაში, რომელმაც გასულ უქმეებზე შინ ინლგისის ნაკრებთან წააგო, ორი ცვლილება განახორციელა.
"ნარშავების" თავკაცი იძულებული გახდა მგეზავის, დენ პარქსის ნაცვლად, ძირითად შემადგენლობაში გრეგ ლაიდლოუ დაეყენებინა. პარქსმა რამდენიმე დღის წინ ეროვნულ ნაკრებში კარიერის დასრულების შესახებ განაცხდა.
მეორე ცვლილება შერკინებას შეეხო. რობინსონი აქაც იძულებული გახდა ევან მურეის ნაცვლად გუნდში ჯეფ გროსი ეხმო. შერკინების ბურჯი ევან მურეი კვიარობით რელიგიური მოსაზრებების გამო არ თამაშობს.
რაც
"მინდა მვულოცო გრეგს დებიუტი ეროვნული ნაკრების ძირითად შემადგენლობაში. ის ნიჭიერი მორაგბეა და მალე ახერხებს ნაკრებთან ადაპტაციას. გასულ უქმეებზე განცდილი მარცხი უნდა დავივიწყოთ და წინსვლა განვაგრძოთ. უნდა ვეცადოთ, რაც შეიძლება მეტი ნიჭიერი მოთამშეები ვნახოთ საქმეში.
ყველაზე გამორჩეულები მანც დანკან ვეირი და სტიუარტ ჰოგი არიან, რომლებმაც შოტლანდიის A ნაკრების შემადგენლობაში შესანიშნავად ითამაშეს, როცა ინგლისის A ნაკრები 35:0 გაანადგურეს. ვეირმა იმ შეხვედრაში გუნდს 20 ქულა მოუტანა. ამ მორაგბეებს რომ ვუყურებ, სულ უფრო ვრწმუნდები, რომ შოტლანდიურ რაგბის კარგი მომავალი აქვს" - თქვა ენდი რობინსონმა.
აღსანიშნავია, რომ ინგლისის ნაკრებთან შინ განცდილი მარცხის შემდეგ, შოტლანდიის ეროვნული გუნდი მსოფლიოს კლასიფიკაციაში ერთი საფეხურით დაქვეითდა. მას სამოას ნაკრებმა გაასწრო და ახლა მე-11 ადგილზეა. ამასთან ერთად, "სკოტებზე" უკეთესი მაჩვენებელი აქვს ტონგას ნაკრებსაც.
საგულისხმოა, რომ მსოფლიოს მოწინავე ათეული შოტლანდიელებმა 2003 წლის შემდეგ პირველად დატოვეს.
შოტლანდია: 15. რორი ლამონტი, 14. ლი ჯოუნზი, 13. ნიკ დე ლუკა, 12. შონ ლამონტი, 11. მაქს ევანსი, 10. გრეგ ლაიდლოუ, 9. კრის კაზიტერი. 1. ალან იაკობსენი, 2. როს ფორდი, 3. ჯეფ გროსი, 4. რიჩი გრეი, 5. ჯიმი ჰამილტონი, 6. ალასდაირ სტროკოში, 7. როს რენი, 8. დევიდ დენტონი.
16. სკოტ ლაუსონი, 17. ედ კალმენი, 18. ალისტერ კელოკი, 19. ჯონ ბარკლი, 20. მაიკ ბლერი, 21. დანკან ვეიერი, 22. სტუარტ ჰოგი.
ყოველდღიური სპორტული გაზეთი "ლელო"
