დღეს, 16 სექტემბრის დილით, სიდნეიში გაიმართა ATP CUP-ის კენჭისყრა, რომელშიც გაირკვა, თუ ვის შეხვდებიან ქართველი ჩოგბურთელები ტურნირის ჯგუფურ ეტაპზე.
ტურნირში მონაწილეობას ATP რეიტინგის საუკეთესო 23 წარმომადგენელი ქვეყანა (ქვეყნების რეიტინგი დგება მათი ნომერი პირველი ჩოგნების მიხედვით)+მასპინძელი მიიღებს. იმის გათვალისწინებით, რომ ტოპ 23-ში ერთი და იგივე ქვეყნის რამდენიმე წარმომადგენელია (2 ესპანელი, 2 რუსი და ა.შ.), ყველაზე დაბალი რეიტინგის მქონე ჩოგბურთელი და მისი ქვეყანა, რომელიც მონაწილეობას მიიღებს ამ ტურნირში, ნოემბერში გახდება ცნობილი.
ჯგუფში 4 ქვეყნის ნაკრებია, რომლებიც, ჯერჯერობით, 2-2 ჩოგბურთელით არიან დაკომპლექტებულები, ისე
კი, მინიმუმ 3 და მაქსიმუმ 5 ჩოგბურთელი შეიძლება იყო ქვეყნის გუნდში. ჩვენს ჯგუფში მოხვდნენ ესპანეთი (რაფაელ ნადალი და რობერტო ბაუტისტა აგუტი), იაპონია (კეი ნიშიკორი და იოშიჰიტო ნიშიოკა) და მესამე მეტოქე, როგორც ზევით აღვნიშნეთ, ნოემბერში გახდება ცნობილი.
ნაკრები გუნდები ერთმანეთს 3-ჯერ შეხვდებიან - პირველი ნომრების მატჩი, მეორე ნომრების მატჩი და წყვილთა შეხვედრა. მოგებული იქნება ის ნაკრები, რომელიც 3-დან 2 შეხვედრას მოიგებს. ქართველი ჩოგბურთელები შეხვედრებს პერსში ჩაატარებენ და ჯგუფური ეტაპი 6 დღეს გასტანს.
ტურნირი 2020 წლის 3 იანვარს დაიწყება და 12 იანვრამდე გაგრძელდება. მისი საპრიზო თანხა 15 მილიონი დოლარია და გამარჯვებული 750 სარეიტინგო ქულას მიიღებს.
რატომ არ ითამაშებს ნიკოლოზ ბასილაშვილი დევისის თასზე? - ნაკრების კაპიტნის პასუხი
ნიკოლოზ ბასილაშვილი წლის ბოლოს ოპერაციას გაიკეთებს - 4 სექტემბრის დაიჯესტი
![ისტორიული მატჩი! ნიკოლოზ ბასილაშვილი რაფაელ ნადალის წინააღმდეგ [VIDEO]](/pictures/image7/555c40b08c591baf31c63fc261a8bd34.jpg "ისტორიული მატჩი! ნიკოლოზ ბასილაშვილი რაფაელ ნადალის წინააღმდეგ [VIDEO]")
![არის! ნიკოლოზ ბასილაშვილმა ზედიზედ მე-3 შეხვედრა მოიგო[VIDEO]](/pictures/image7/786237429448b340b36bbda124e0bc7c.jpg "არის! ნიკოლოზ ბასილაშვილმა ზედიზედ მე-3 შეხვედრა მოიგო[VIDEO]")
