ჰელსინკიში დასრულდა ფედერაციის თასის ჯგუფური ეტაპის მატჩები. საქართველოს ნაკრები "ა" ჯგუფში ტუნისთან, ისრაელთან და მოლდოვასთან ერთად ასპარეზობდა.
4 თებერვალს საქართველოს ნაკრები ისრაელის ნაკრებს დაუპირისპირდა. ეკატერინე გორგოძემ და მარიამ ბოლქვაძემ ერთეულთა თანრიგში მოწინააღმდეგეები დაამარცხეს. სამწუხაროდ, ოქსანა კალაშნიკოვამ და ზოზია ქარდავამ წყვილთა თანრიგში გამარჯვება ვერ მოიპოვეს და პირველი საასპარეზო დღე 2:1 საქართველოს ნაკრების გამარჯვებით დასრულდა.
5 თებერვალს ქართველმა სპორტსმენებმა მოლდოვის ნაკრები მშრალი ანგარშით დაამარცხეს. ეკატერინე გორგოძე და მარიამ ბოლქვაძე კვლავ ერთეულთა თანრიგში მონაწილეობდნენ, ხოლო წყვილთა მატჩი ახალგაზრ
და მარიამ დალაქიშვილმა და ზოზია ქარდავამ გამართეს და მოწინააღმდეგეები 2 სეტში დაამარცხეს.
6 თებერვალს საქართველოს ნაკრები მესამე გუნდს, ტუნისის ნაკრებს დაუპირისპირდა. ეკატერინე გორგოძემ ერთეულთა თანრიგში კვლავ იმარჯვა და მოწინააღმდეგე 6:1, 6:3 დაამარცხა. ტუნისელ ჩოგბურთელთან გამკლავება მარიამ ბოლქვაძემ ვერ შეძლო, ხოლო წყვილთა გათამაშებაში ოქსანა კალაშნიკოვამ და ეკატერინე გორგოძემ გაიმარჯვეს და საქართველოს ნაკრებმა ჯგუფში პირველი ადგილი დაიკავა.
დღეს, 7 თებერვალს, პლეი-ოფის მატჩები გაიმართება. საქართველოს ეროვნული ნაკრები ფინეთის ნაკრებს დაუპირისპირდება. თუ ქართველებმა ფინელების დამარცხება შეძლეს, საქართველოს ქალთა ნაკრები დაწინაურდება და ევრო-აფრიკული ზონის მეორე ჯგუფიდან პირველ ჯგუფში გადაინაცვლებს.
მომზადებულია facebook.com/Georgian-Tennis-Federation-საქართველოს-ჩოგბურთის-ფედერაცია-ს მიხედვით
