"დარტყმებში უფრო ძლიერი ხარ, ვიდრე ინტელექტუალურ საუბარში" - ახალგაზრდა ტოპ-ჩოგბურთელები ერთმანეთს დაუპირისპირდნენ

სუპერნიჭიერი ავსტრალიელი ჩოგბურთელი ნიკ კირიოსი ენდი მარის შესახებ მსოფლიოს ყოფილ პირველ ჩოგან მატს ვილანდერის განცხადებას "ტვიტერზე" გამოეხმაურა, თუმცა ნიკის კომენტარს კარენ ხაჩანოვმა უპასუხა, რაც ახალგაზრდა ჩოგბურთელების პოლემიკაში გადაიზარდა.

ნიკი: "წავიკითხე, ვილანდერმა რაც ენდიზე თქვა. მოდი, მოკეტე, მატს! შენი აზრი არავის ადარდებს. ენდი, იცოდე, სანამ თამაშობ, ჩვენ ყველა გაფასებთ და გვსიამოვნებს შენი თამაშის ყურება. მატსის ერთი ქულაც არ მინახავს ცხოვრებაში."

კარენი: "კარგი რა, ნიკ, ცოტაოდენი პატივისცემა გამოიჩინე."

ნიკი: " მე და ენდი ერთმანეთს ძალიან ვაფასებთ. თუ ჩვენ ორს შორის რომელიმეზე ცუდად ისაუბრებენ, ერთმანეთს აუცილებლად გამოვექომაგებით. ვილანდერი რის გამო უნდა დავაფასო? მეტოქის ნახევარზე რომ ბურთს აგდებდა? მეგობარო, ასე არ მოვიქცევი."

კარენი: "ეს შენი აზრია. ვფიქრობ, კარგი ადამიანი ხარ და შენთან პრობლემა არ მაქვს. მაგრამ როცა სახლში ზიხარ და სხვადასხვა მოთამაშეზე კომენტარებს აეთებ, ეს უკვე იმაზე მიანიშნებს, თუ რეალური პრობლემა ვის აქვს".

ნიკი: "და რა გგონია, პანდემიის დროს რაც მოთამაშეებმა გააკეთეს, სწორია? მექნებოდა შენთან ინტელექტუალური საუბარი, მაგრამ აშკარად დარტყმებში უფრო ძლიერი ხარ და ეჭვი მაქვს, ვერ გაუძლებ".