დღეს 2020 წლის ტოკიოს ოლიმპიურ თამაშებზე 2 ფინალისტის ვინაობა გაირკვა.
პირველ შეხვედრაში რუსეთის ოლიმპიური კომიტეტის წარმომადგენელი კარენ ხაჩანოვი (25) ესპანელ კარენო ბუსტას (11) დაუპირისპირდა და ორ სეტში 6:3 6:3 დაამარცხა.
1-ელ სეტში რუსმა ჩოგბურთელმა მეტოქის ორი მოწოდება მოიგო - მე-5 სეტში ბრეიკით დაწინაურდა, ხოლო მეცხრეში ბუსტას ჩაწოდებაზე სეტი თავის სასარგებლოდ დახურა.
მეორე ნახევარი სპორტსმენებმა აქტიურად დაიწყეს, ხაჩანოვმა კი გარდამტეხი უპირატესობა მე-6 გეიმში მოიპოვა, როდესაც ესპანელი ჩოგბურთელის მოწოდებაზე 40:15 დაწინაურდა, მიღებული ფორა კი აღარ გაანიავა და ოლიმპიური ფინალის საგზურიც მოიპოვა.
მეორე
შეხვედრაში ერთმანეთს სერბი ნოვაკ ჯოკოვიჩი (1) და გერმანელი ალექსანდრ ზვერევი (5) დაუპირისპირდნენ. შეხვედრა გერმანელის გამარჯვებით, 1:6 6:3 6:1 დასრულდა.
1-ელ სეტში ნოვაკმა 6:1 მოიგო. მეორე სეტის მე-5 გეიმში სერბმა კიდევ ერთხელ შეძლო ზვერევის მოწოდების აღება, რითაც გულშემატკივარი, ფაქტობრივად, მის გამარჯვებაში დაარწმუნა, თუმცა გერმანელი დანებებას არ აპირებდა და ზედიზედ ორჯერ ნოლეს გეიმის მოგება და მეორე სეტის 6:3 დასრულება მოახერხა.
შეხვედრა მესამე, გადამწყვეტ სეტში გადავიდა, სადაც ახალგაზრდა ვარსკვლავი შესანიშნავად გამოიყურებოდა. საწყისი გათამაშებებიდანვე ჩანდა, რომ ნოვაკს ნელ-ნელა პრობლემები ეწყებოდა, რითაც "საშამ" შესანიშნავად ისარგებლა და 6:1 იმარჯვა.
ამრიგად, ფინალში ერთმანეთს კარენ ხაშანოვი და ალექსანდრ ზვერევი შეხვდებიან. მატჩი თბილისის დროით 1-ელ აგვისტოს, 10 საათზეა ჩანიშნული, მესამე ადგილისთვის კი ნოვაკ ჯოკოვიჩი და კარენო ბუსტა ხვალ, 31 ივლისს, ჩვენი დროით 10 საათზე დაუპირისპირდებიან.
ბასილაშვილი ზვერევთან თანაბარ თამაშში დამარცხდა [VIDEO]
![ზვერევი შეუდარებელი იყო! გერმანელმა მოქმედი ჩემპიონი დაამარცხა [VIDEO]](/pictures/image7/978738a5cbee74f442d77b3f14fe90e6.jpg "ზვერევი შეუდარებელი იყო! გერმანელმა მოქმედი ჩემპიონი დაამარცხა [VIDEO]")
![ტურინში მოქმედი ჩემპიონი ტიტულის დაცვას ზვერევის წინააღმდეგ შეეცდება [VIDEO]](/pictures/image7/453ab7e7089ec597563dfed98cab12b6.jpg "ტურინში მოქმედი ჩემპიონი ტიტულის დაცვას ზვერევის წინააღმდეგ შეეცდება [VIDEO]")
![ჯოკოვიჩმა შემაჯამებელი გამარჯვებით დაიწყო [VIDEO]](/pictures/image7/9ed8db832dc126804888002b0795d88a.jpg "ჯოკოვიჩმა შემაჯამებელი გამარჯვებით დაიწყო [VIDEO]")
![დიდი სანახაობა ფინალში - ნოლემ პარიზში მედვედევი დიდ ბრძოლაში დაამარცხა [VIDEO]](/pictures/image7/48fff046f54f72748f34bbcecd826b4c.jpg "დიდი სანახაობა ფინალში - ნოლემ პარიზში მედვედევი დიდ ბრძოლაში დაამარცხა [VIDEO]")
