ქართველი ჩოგბურთელები ალექსანდრე ბაკში და საბა ფურცელაძე ასტანას ჩელენჯერის ნახევარფინალში გავიდნენ. პირველმა მათგანმა 23 წლის უზბეკ სერგეი ფომინს (582) სამ სეტში 7:6, 6:7, 7:6 სძლია და ნახევარფინალში გავიდა, სადაც ან ბულგარელ დიმიტარ კუზმანოვს, ან ნეიტრალური სახელით მოასპარეზე ევგენი დონსკოის ხვალ დაუპირისპირდება.
რაც შეეხება ფურცელაძეს, საბამ ორ სეტში 6:2, 6:3, 22 წლის სლოვაკი ლუკას პოკორნის (536) წინააღმდეგობა დაძლია და 1/2-ფინალში ნეიტრალური სახელის მქონე ევგენი კარლოვსკის შეხვდება.
