საქართველოს საჩოგბურთო ნაკრებმა დევისის თასის მე-2 ლიგის საკვალიფიკაციო ეტაპის პირველი დღე ბოლივიასთან შესანიშნავად ჩაატარა.თავიანთი შეხვედრები მოიგეს ალექსანდრე ბაკშიმა ხუან კარლოს პრადო ანგელოსთან) და ზუკა ტყემალაძემ (რაულ გარსიასთან), რის შემდეგაც ჩვენი გუნდი დაპირისპირებაში 2:0 დაწინაურდა.
დღეს, თბილისის დროით 19:00 საათზე, წყვილთა თანრიგის შეხვედრაა ჩანიშნული, სადაც ალექსანდრე ბაკში და სანდრო მეტრეველი იასპარეზებენ.
იმ შემთხვევაში, თუ ქართველმა ჩოგბურთელებმა გამარჯვება მოახერხეს, ანგარიში 3:0, ხოლო დარჩენილი ორი მატჩი ფორმალობა გახდება.
შეგახსენებთ, რომ საქართველო-ბოლივიის დაპირისპირების გამარჯვებული მე-2 ჯგუფში ადგილს გაინაღდებს. შეხვედრებს პოლონეთი მასპინძლობს.
