ძალოსნობის საერთაშორისო ფედერაციამ ერთი წლით თავისი რიგებიდან გარიცხა რუსეთის ძალოსნობის ფედერაცია, რაც იმას ნიშნავს, რომ ამ ქვეყნის ნაკრები ვერ მიიღებს მონაწილეობას მსოფლიოს 2017 წლის ჩემპიონატში. გადაწყვეტილება ძალაში ოქტომბრის შუა რიცხვებიდან შევა."ფედერაციის აღმასკომმა ერთხმად გადაწყვიტა, რომ ეროვნული ფედერაციები, რომლებსაც 2008 და 2012 წლების ოლიმპიადების დოპინგ-სინჯების გადამოწმებისას ანტისადოპინგო წესების მინიმუმ სამი დარღვევა დაუფიქსირდათ, ერთწლიან დისკვალიფიკაციას მიიღებენ", - წერია საერთაშორისო ფედერაციის განცხადებაში.
რუსეთის ბედი გაიზიარეს ყაზახეთის, ჩინეთის, ბელორუსის, აზერბაიჯანის, სომხეთის, თურქეთის, უკრაინისა და მოლდოვის ფედერაციებმა.
მსოფლიოს 2017 წლის ჩემპიონატი 28 ნოემბრიდან 5
შეგახსენებთ, რომ რუსეთის ძალოსნობის ნაკრები არ მონაწილეობდა 2016 წლის ზაფხულის თამაშებში.
ყოველდღიური სპორტული გაზეთი "ლელო"
