სანდრო ბაზაძემ მონრეალის ტურნირზე ბრინჯაოს მედალი მოიპოვა

მონრეალში დამთავრდა მოხმალავე ქალ-ვაჟთა სეზონის პირველი მნიშვნელოვანი საერთაშორისო შეჯიბრება - კანადის გრან პრი, რომელშიც ექვსმა ქართველმა მოფარიკავემაც იასპარეზა, სულ კი ტურნირმა 21 ქვეყნის 150 სპორტსმენს მამაკაცს მოუყარა თავი.ჩვენებურთაგან საპრიზო ადგილებისთვის იბრძოდნენ სანდრო ბაზაძე, ბექა ბაზაძე, მიხეილ მარდალეიშვილი, საბა სულამანიძე. ნაკრებს მონრეალში ახლდა ხმლით ფარიკაობის ისტორიაში ერთ-ერთი წარმატებული ფრანგი მწვრთნელი კრისტიან ბაუერი, რომელიც იანვრიდან საქართველოს ხმლით მოფარიკავეთა ნაკრების კონსულტანტად მოიწვიეს.68 წლის ბაუერი, როგორც მოფარიკავე, საფრანგეთის სამგზის ჩემპიონია. გაცილებით წარმატებული გამოდგა მისი სამწვრთნელო კარიერა, სხვადასხვა დროს ის საფრანგეთის, იტალიის, ჩინეთისა და რუსეთის ნაკრებებს ედგა სათავეში. როგორც მწვრთნელს, რამდენჯერმე აქვს მოგებული უმაღლესი ჯილდოები - ოლიმპიური თამაშები, მსოფლიოს და ევროპის ჩემპიონატები, გრან პრი და მსოფლიოს თასები...მონრეალში ვაჟთა შეჯიბრების პირველ დღეს ისვენებდა სანდრო ბაზაძე, რომელიც ტურნირზე მე-9 ნომრად იყო განთესილი და, სხვა 17 საუკეთესო მოფარიკავის მსგავსად, ჯგუფური ეტაპისგან თავისუფალი გახლდათ. პლეი ოფის პირველ ტურში სანდრომ თანაგუნდელი მიხეილ მარდალეიშვილი დაამარცხა, შემდეგ ენვერ იილდირიმს (თურქეთი) აჯობა - 15:11. დრამატულად წარიმართა პაექრობა სანად სემეშთან (უნგრეთი). თავიდან ქართველი მოხმალავე დაწინაურდა - 9:4. თითქოს მატჩის ბედი გადაწყვეტილი იყო. ეტყობა, ჩვენებურმა ამიტომაც ყურადღება მოადუნა. მადიარმა ამით ისარგებლა და წინ გავიდა - 13:10. წაგების საფრთხე რომ იგრძნო, სანდრომ შეძლო ძალების მობილიზება - მეტოქეს ზედიზედ ხუთი უპასუხო ჩხვლეტა მიაყენა და 15:13 გაიმარჯვა.ქართველი მოფარიკავე მეოთხედფინალში მეორე ნომრად განთესილ კორეელ ო სან-უკს დაუპირისპირდა. 23 წლის აზიელი მოფარიკავე ოთხ-ოთხგზის მსოფლიოს (სამჯერ გუნდურში, 2019 წელს კი პირადში გაიმარჯვა) და თავისი კონტინენტის ჩემპიონია. მონრეალში მან ზედიზედ იოლად ჩამოიშორა გზიდან ხალილ ტომპსონი (აშშ, 15:6), ფრანჩესკო დარმიენტო (იტალია, 15:7) და იესინ იუნი (კორეა, 15:7).ბაზაძისა და სან-უკის ორთაბრძოლაც დაძაბულად წარიმართა - მთელი პაექრობის განმავლობაში ხან ერთი მეტოქე იყო წინ, ხან - მეორე. ბოლოს თითქოს მსოფლიოს ჩემპიონმა იძალა და 14:12 დაწინაურდა. ასეთ სიტუაციაში კორეელს წარმატების მისაღწევად ერთი ჩხვლეტაღა აკლდა, მაგრამ ქართველმა მოხმალავემ ამ კრიტიკულ მომენტში უდიდესი ნებისყოფა და ბრძოლისუნარიანობა გამოავლინა - ზედიზედ სამი ეფექტური და შედეგიანი შეტევით 15:14 გაიმარჯვა და ნახევარფინალში გავიდა, რითაც გარან პრის ბრინჯაოს მედალი გაინაღდა.ნახევარფინალში ქართველი სპორტსმენი იტალიის ნაკრების წევრს, მსოფლიოს ჩემპიონატების თითო ოქრო-ვერცხლისა და სამი ბრინჯაოს, ხოლო ევროპის ჩემპიონატების 4 ვერცხლისა და 2 ბრინჯაოს მფლობელ ლუკა კრატოლის დაუპირისპირდა. საგულისხმოა, რომ ორივემ 2017 წელს თბილისში ევროპის ჩემპიონატზე მესამე ადგილები დაიკავეს. ორთაბრძოლის დასაწყისშივე გამოჩნდა, რომ სანდრომ წინა ორ პაექრობას დიდი ენერგია შეალია და ამ შეხვედრისთვის, ფაქტობრივად, დენთი არ ეყო. იტალიელმა 15:9 გაიმარჯვა და ფინალში ფრანგ ბოლად აპიტის შეხვდა. გადამწყვეტი ორთაბრძოლა ფრანგმა მოხმალავემ 15:12 მოიგო და მთავარი პრიზი მოიპოვა. მეორე ადგილი კურატოლის, ხოლო ბრინჯაოს მედლები სანდრო ბაზაძესა და იტალიელ ლუიჯი სამელის ხვდათ.საგულისხმოა, რომ შარშან სანდრომ გრან პრის პირველი ბრინჯაო კაიროში დაიმსახურა. აღსანიშნავია ისიც, რომ ბოლად აპიტიმ და ქართველმა მუშკეტერმა ევროპიდან ტოკიოს ოლიმპიადის საგზურები, ფაქტობრივად, გაინაღდეს. მართალია, ჯერ კიდევ ორი მსოფლიოს თასის გათამაშებაა დარჩენილი, მაგრამ ამ ორ მოფარიკავეს უკვე იმდენი სარეიტინგო ქულა აქვს, რომ კონკურენტები მათს გადასწრებას, ალბათ, ვერ შეძლებენ.

[PHOTOS] "როდესაც, თითქმის შიშველი ხარ" - უკრაინელი სპორტსმენის თამამმა ფოტოებმა საზოგადოება აღაფრთოვანა

გიორგი ურუშაძე სოფიაში მიმდინარე კადეტთა ციკლის ტურნირის ჩემპიონია

"საქართველოში ტაქსის მძღოლები მეუბნებოდნენ, ეს ყოველივე სამარცხვინოაო!" - უკრაინელი მოფარიკავე თბილისში გატარებულ პერიოდს იხსენებს

პულისიჩი პრემიერ ლიგას დაუბრუნდება? - "მილანის" ვარსკვლავი სამ გუნდს სურს

კლოპის აგენტმა მისი კლიენტის სამწვრთნელო საქმიანობაზე შესაძლო დაბრუნებაზე ისაუბრა

ლეგიონერები/ცინცაძის და გავაშელიშვილის გუნდებმა მოიგეს. კალანდაძის გოლებმა კი "ექს ან პროვანსი" წაგებისგან ვერ იხსნა

"ასეთი გამოცდილი ფეხბურთელი, უფრო მომთმენი უნდა იყოს" - ფაბრეგასმა მორატა გააკრიტიკა

ვინგსმა ფრთები თელავთან გაშალა | დებიუტანტმა პირველი გამარჯვება მოიპოვა

გუნდის ლიდერებს კერიკის დარჩენა სურთ - "იუნაიტედი" მოლაპარაკებებს ნაგელსმანთან აწარმოებს

"ტელევიზიით გამაკრიტიკა, მეორე დღეს კი პსჟ-ს ვარჯიშს დაესწრო და იცით, რა მითხრა?" - მაურისიო პოჩეტინომ ტიერი ანრიზე ისტორია გაიხსენა

[VIDEO] NBA-ის ყველა ვარსკვლავის მატჩის MVP ენტონი ედვარდსი გახდა

[VIDEO] ისტორიულ შედეგს მიუახლოვდნენ - მოკლე პროგრამის შემდეგ მეტელკინა/ბერულავას წყვილი ოლიმპიადაზე მეორე ადგილზეა

ქართველების გარეშე - "სპორტინგმა" "ფამალიკაოს" სძლია

[VIDEO] ალისონმა "ნაპოლი" "რომასთან" წაგებას გადაარჩინა

სამივე ქართველმა ითამაშა - "მეცი" "ოსერმა" დაჯაბნა

გულიაშვილის "რასინგს" "ეიბართან" მარცხი შეიძლება ლიდერობის დაკარგვად დაუჯდეს

ზივზივაძე შეცვლაზე შევიდა - "ჰაიდენჰაიმი" ისევ დამარცხდა

[VIDEO] კვერნაძის გოლი+საგოლე პასი - მან ზედიზედ მეორე მატჩში გაიტანა

[VIDEO] კვერნაძე ჩინებულ ფორმაშია - ისევ გაიტანა

პსჟ-ს ყოფილი ფეხბურთელი სეგუნდა დივიზიონის გუნდში გადავიდა

[VIDEO] 61:12 - საქართველოს ნაკრებმა ნიდერლანდებსაც უპრობლემოდ მოუგო

"არსენალის" კაპიტანმა შესაძლოა, ზაფხულში კლუბი შეიცვალოს

"რეალს" გაუმართლა, რომ ვინისიუსი ჰყავს" - ალვარო არბელოა

სპორტის სამინისტრომ 2025 წლის საუკეთესო სპორტსმენები დაასახელა

სანდრო ბაზაძე მადრიდის მსოფლიო თასის გამარჯვებულია

ისტორია დაიწერა - სანდრო ბაზაძე ფარიკაობაში მსოფლიო ჩემპიონია!

სანდრო ბაზაძე მსოფლიოს თასზე ბრინჯაოს დაეუფლა

„არქი“ ფარიკაობაში მსოფლიო ჩემპიონის, სანდრო ბაზაძის მხარდამჭერი გახდა

სანდრო ბაზაძე მსოფლიო ჩემპიონატის ფინალში გავიდა!