შესაძლოა, ავთანდილ ხურციძე აქ ყოფილიყო - საუნდერსი კანელოს ბრძოლაზე თითქმის შეუთანხმდა

AutoSharing Option
ბრიტანელმა მოკრივე ჯო ბილი საუნდერსმა, რომელიც WBO ვერსიით მსოფლიოს ჩემპიონის ქამარს ფლობს სუპერსაშუალო წონაში, თითქმის შეათანხმა ბრძოლა მექსიკელ საულ "კანელო" ალვარესთან.

კანელო ალვარესი საშუალო წონით კატეგორიაში აბსოლუტური ჩემპიონი იყო და ახლაც ინარჩუნებს ორი დივიზიონის (WBC, WBA) ქამრებს. თუმცა მექსიკელმა მსუბუქიდან მძიმე წონაში გადასვლა გადაწყვიტა და რუსი კოვალიოვის დამარცხებით WBO ვერსიით მსოფლიო ჩემპიონიც გახდა. ისე გამოვიდა, რომ საულ ალვარესმა 1 წონითი კატეგორია გამოტოვა - სუპერსაშუალო წონა.

ამის გამოყენება სათავისოდ  ჯო ბილი საუნდერსმა სცადა და კანელოს ბრძოლა შესთავაზა. არც მექსიკელია უარზე და
როგორც მისმა პრომოუტერმა ედი ჰირნმა განაცხადა, დიდია ალბათობა იმისა, რომ მექსიკელისა და ბრიტანელის ჩხუბი შედგეს.

დასანანი ჩვენთვის ის გახლავთ, რომ საუნდერსის ნაცვლად, შესაძლო იყო, აქ ავთანდილ ხურციძე ყოფილიყო. "ჩაქუჩას" უკვე შეთანხმებული ჰქონდა საუნდერსთან ბრძოლა და 20 დღე აკლდა მის გამართვამდე, როცა ქართველი მოკრივე დაიჭირეს.

მართალია, საუნდერსს კარიერაში ბრძოლა არ წაუგია, თუმცა ხურციძის დაჭერის შემდეგ 5-ჯერ გავიდა რინგზე (3-ჯერ ბრიტანეთში) და 3-ჯერ 12 რაუნდი დასჭირდა გასამარჯვებლად, 1-ხელ 11 და მხოლოდ 1 ბრძოლაში გაიმარჯვა შედარებით ადვილად. ხურციძის სტილის მოკრივეს კი არ შეხვედრია. ძალიან დიდი ალბათობა იყო იმისა, რომ ავთანდილი საუნდერსს დაამარცხებდა, თუმცა...

თუმცა ახლა საუნდერსი კანელო ალვარესთან საბრძოლველად ემზადება და დიდი იმედი აქვს, რომ შანსს მიიღებს. კანელო კი ყველაზე მაღალანაზღაურებადი მოკრივეა მსოფლიოში და კარიერაში მხოლოდ 1-ხელ დამარცხდა, ისიც 22 წლის ასაკში და ისიც, თავად ფლოიდ მეივეზერთან, რომელიც მას შემდეგ მუდმივად არიდებდა თავს მექსიკელთან ჩხუბს.




მკითხველის კომენტარები / 7 /
ak kinu lanzgavt chakuchas kompiuterchi, ro chamova sakartvelochi midit da galanzget pirchi utxarit rasac pikrobt, da tan saavadmkopos asanazgaurebeli puli gekaot xelchi.anda daanebet tavi am kacs tavisi gachirveba ekopa.
KUTAISELI
16:48 14-11-2019
14
სწორედ ამ საუნდერსმა დააჭერინა ხურციძე და უსამართლოდ ჩასვა ციხეში, ახლა კი არ უნდათ იმის აღიარება, რომ ამერიკაში ასეთი უსამართლობა ხდება და ათას უბედურებას აბრალებენ ხურციძეს, მაგრამ ღმერთი ყველას პასუხს გასცემს და თავისას მიუზღავს, ეშინოდეთ ცილისმწამებლებს!
15

ასევე დაგაინტერესებთ
სიახლეები პოპულარული