ჩარლი ზელენოვი მოყვარული მოკრივეა, რომელიც "იუთუბში" სხვადასხვა სახის პრანკს დებდა. ძირითადად, ის უსამართლოდ იქცეოდა და ისეთ ადამიანებთან სპარინგობდა, ვინც ორთაბრძოლის არაფერი იცოდა. პოპულარულიც იმით გახდა ჩარლი, რომ ღია სივრცეში ათავსებდა ვიდეოებს, სადაც სუსტ და უცოდინარ "მოწინააღმდეგეებს" ანადგურებდა.
მოგვიანებით, მან დაიწყო ცნობილი მოკრივეების გამოწვევა. გაავრცელა ჭორი, რომ გენადი გოლოვკინთან ისპარინგა და სპარინგის დროს დაანოკდაუნა, თუმცა ეს, რა თქმა უნდა, სიმართლეს არ შეესაბამება. გენადი მას არასდროს შეხვედრია და მით უმეტეს, არც უსპარინგიათ. 2014 წლიდან ზელენოვმა მაშინდელი მსოფლიო ჩემპიონის, დეონტეი უაილდერის დაცინვა და გამოწვევა დაიწყო. მოკრივე თავდაპირველად ყურადღებას არ აქცევდა, თუმცა, როცა ჩარლი ყველანაირ საზღვარს გასცდა და უაილდერის შეზღუდული შესაძლებლობის მქონე შვილზეც დაიწყო ირონიული საუბარი, მოკრივეს მობეზრდა პრანკერის უზრდელი საქციელები და დარბაზში უხმო.
სხვადასხვა წყაროს მიხედვით, უაილდერმა ხელშეკრულების გაფორმება მოსთხოვა, რომლის მიხედვით, ჩარლი სპარინგის შემდეგ მას არ უჩივლებდა. სპარინგი შედგა და ზელენოვს დეონტეიმ ადგილი მიუჩინა.
"თქვენ შეგიძლიათ იყოთ კრიტიკოსები და ისაუბროთ გარკვეულ თემებზე, თუმცა ყველაფერს აქვს ზღვარი. ჩარლის კრიტიკა სხვა რამეში გადაეზარდა. არის თემები, რომლებსაც არ უნდა შეეხოთ. ასეთია ჩემი რასა და ჩემი ქალიშვილი." - განაცხადა უაილდერმა ESNews-თან საუბარში.
დეონტეი უაილდერი: ზომბი ვიყავი, მოვა დრო და ბევრ საიდუმლოს მოვყვები
დეონტეი უაილდერი: კოსტიუმის გამო წავაგე - ის მძიმე იყო
!["ნამდვილი იდიოტია" - კრივის ისტორიაში ერთერთი საუკეთესო ბრძოლა გაიმართა [VIDEO]](/pictures/image7/04d6e9461aaa091966996ff5e6a0c1cb.jpg "\"ნამდვილი იდიოტია\" - კრივის ისტორიაში ერთერთი საუკეთესო ბრძოლა გაიმართა [VIDEO]")
ან მშიშარაცაა ეტყობა, როგორ მშიშრულად წვება :)