მომაკვდავ შვილს მსოფლიო ჩემპიონობას შეჰპირდა - ქამარი საფლავზე მიიტანა...

AutoSharing Option
7 ნოემბრის გამთენიისას სუპერსაშუალო წონით კატეგორიაში ერთმანეთს მსოფლიოს დაუმარცხებელი ჩემპიონი კალებ პლანტი და კრივის ისტორიაში ერთ-ერთი საუკეთესო მსუბუქწონოსანი კანელო ალვარესი დაუპირისპირდნენ - მექსიკელმა მოიგო...

ბრძოლა მე-11 რაუნდში დასრულდა - "წითურმა" ნოკაუტით გაიმარჯვა და ისტორიაში მე-6 მოკრივე გახდა, რომელმაც დივიზიონში ყველა ქამარი მოიგო. აქამდე იგივე მიღწევა ბერნანდ ჰოპკინსს, ჯერმეინ ტეილორს, ტერენს კროუფორდს, ალეკსანდრ უსიკსა და ჯოშ ტეილორს ჰქონდათ.

ამერიკელმა ბოლომდე იბრძოლა, თუმცა საულ ალვარესი არ აგებს... ერთხელ წააგო და ისიც მეივეზერთან. ალბათ განმეორებითი მატჩი შედგება, ფავორიტი კი ისევ კანელო იქნება.

მიუხედავად
მარცხისა, კალებ პლანტი კრივის ისტორიაში დარჩება და რა ვიცით, იქნებ მექსიკელზე 2 წლით უმცროსმა 29 წლის მოკრივემ მსოფლიო ჩემპიონის ქამარი ისევ მოიპოვოს.

თუმცა კალებმა ცხოვრებაში ყველაზე მნიშვნელოვანი ქამარი უკვე მოიგო, დანარჩენი სპორტის ნაწილია, ის ქამარი კი - მისი სულის...

ამერიკელს ამ დონის ბრძოლა, შესაძლოა, ვერც ჩაეტარებინა, რომ არა ქალიშვილი ალია, რომელიც ძალზე იშვიათი დაავადებით დაიღუპა. გოგონას გარდაცვალებიდან 1 თვეში პლანტის დედა პოლიციელმა ჩაცხრილა. მოკლედ, მოკრივემ ძალიან რთული გზა განვლო...

ახლა კალებ პლანტი შეძლებული, მსოფლიოში ცნობილი კაცია, მაგრამ სრულ სიღარიბეში გაიზარდა, მის ოჯახს საკუთარი სახლიც არ ჰქონდა. დედა, ბეთი, ნარკოდამოკიდებული იყო. მამა, რიჩი პლანტი ხვდებოდა, რომ შვილი ქუჩისთვის არ უნდა დაეთმო და როგორც შეძლო, ეზოში რინგის მსგავსი რაღაც მოაწყო და შვილის პირველი მწვრთნელიც თვითონვე იყო. 12 წლის ასაკში კი ნამდვილ დარბაზში მოხვდა და მოყვარულებს შორის წარმატებით იბრძოდა.

20 წლისას ოლიმპიადაზე წასვლის რეალურის შანსები ჰქონდა, მაგრამ პლანტი მამა გახდა - 19 წლის კარმან ჟან ბრისკო-ლიმ გოგონა გაუჩინა. ბავშვის დაბადებისთანავე ექიმებმა შოკისმომგვრელი რამ უთხრეს - გოგონას ჰიდროლაზის (ფერმენტი) დეფიციტი ჰქონდა...

ალბათ, არც გაგიგონიათ, მსგავსი დაავადება სამყაროში მხოლოდ 20-ჯერ გამოვლინდა...

"თვითონ ჭამას ვერ ახერხებდა, ზონდით ვაჭმევდით. მისი მცირე გაცინებაც კი მახარებდა. გავიღვიძებდი, სპორტდარბაზში მივდიოდი, ვივარჯიშებდი და შვილთან კლინიკაში ვბრუნდებოდი."

ალიას ავადმყოფობის გამო კალების მეგობარმა გოგონამ სამსახური მიატოვა, პლანტი კი ბოლომდე იხარჯებოდა, რათა პროფესიონალებში გადასულიყო და ფული გამოემუშავებინა, რადგან ძალიან ბევრი ეხარჯებოდათ.

"უბრალოდ, ვალდებული ვიყავი მევარჯიშა და შემდეგ რინგზე მებრძოლა. ერთხელ, სახლში დაბრუნებისას, გულის შეტევა მქონდა. თითქოს ნებისმიერი დღე ბოლო შეიძლებოდა ყოფილიყო. ბრძოლის წინ მხოლოდ შვილზე ვფიქრობდი, მოწინააღდეგეების სახელებიც არ მაინტერესებდა. მოგების შემდეგ კი კამერაში ხელოვნურად ვიცინოდი..."

2015 წლის დასაწყისში საწვრთნელ ბანაკში მიდიოდა, რადგან მორიგი ბრძოლისთვის მომზადება სჭირდებოდა. მაგრამ წასვლამდე ექიმებმა დაიბარეს.

"ექიმებმა პირდაპირ მითხრეს: "მისტერ პლანტ, ჩვენ ვფიქრობთ, რომ სავარჯიშო ბანაკში არ უნდა გაემგზავროთ, რადგან ვიცით, თქვენი შვილი უახლოეს დღეებში გარდაიცვლება. უმჯობესია ბრძოლა გააუქმოთ.

სწორედ იმ დღეს, როცა ჯერ კიდევ ცოცხალი იყო, ალიას შევპირდი, რომ მსოფლიოს ჩემპიონი გავხდებოდი. 29 იანვარს, 10:55 საათზე გარდაიცვალა", - თქვა კალებმა.

1 თვეში პოლიციამ დანით შეიარაღებული დედამისი ჩაცხრილა... ბეთ პლანტს რამდენჯერმე მოუწოდეს, დანა დაეგდო, მაგრამ... აღსანიშნავია, რომ კალებ პლანტმა ბრძოლა მაინც არ გადადო - დედის გარდაცვალებიდან 1 კვირაში ლას-ვეგასში იჩხუბა და დანიელ ჰენრი პირველ რაუნდში დაანოკაუტა.

2019 წლის 13 იანვარს აუტსაიდერმა კალებ პლანტმა ხოსე უსკატეგი მსაჯების ერთსულოვანი გადაწყვეტილებით დაამარცხა და IBF-ის ვერსიით მსოფლიოს ჩემპიონი გახდა. შემდეგ შვილის საფლავზე მივიდა და ქამარი მიიტანა...

მომზადებულია Sports-ის მიხედვით

მკითხველის კომენტარები / 4 /
რა საინტერესო ისტორიაა! ნეტავ ყველას შეეძლოს ტრაგედიიდან ასე გამოსვლა...
nika
10:05 09-11-2021
1
Sulit yofila zlieri pirvel rigshi. Is meqsikeli mokrive ver gavixsene pakiaos sparing partniori rom iyo, deportacia rom eloda tu chempioni ar gaxdeboda. Shvilebma mtxoves xom moigeb am brzolaso. Ai filmistvis gamodgeboda iseti istoria iyo.
Milani
20:31 08-11-2021
0

ასევე დაგაინტერესებთ
სიახლეები პოპულარული