შვედეთის ქალაქ გეფლეში მიმდინარე 23-წლამდელ მძლეოსანთა ევროპის ჩემპიონატზე ქართველი ბირთვის მკვრელი გიორგი მუჯარიძე მედლისთვის იბრძოლებს.ახალგაზრდა მძლეოსანმა საკვალიფიკაციო ეტაპზე A ჯგუფში იასპარეზა. წესების მიხედვით, ფინალის საგზურს ის ათლეტები ეუფლებოდნენ, რომლებიც ბირთვს მინიმუმ 18.80 მეტრზე გადააგდებდნენ, ან, ამ შედეგის ვერმიღწევის შემთხვევაში, 12 საუკეთესოთა შორის მოხვდებოდნენ.
მუჯარიძემ 19.41 მეტრზე ტყორცნა ბირთვი, A ჯგუფში მეორე, 28 მონაწილეს შორის კი მე-5 შედეგი დააფიქსირა და კონტინენტის პირველობის მედლის მოგების შანსი შეინარჩუნა.
ამ დისციპლინაში მედლები 12 ივლისს გათამაშდება. აქვე გეტყვით, რომ მუჯარიძემ მარტში 20.27 მეტრზე ტყორცნა
მომზადებულია Sportstat.gov.ge-ის მიხედვით
