5 მიზეზი, თუ რატომ უნდა ვუყუროთ UFC 248-ს, რომელიც კვირას გაიმართება

ყველა სპორტსმენს ჰყავს როგორც ერთგული გულშემატკივარი, ასევე, მოძულე - ჰეითერი. ზოგს ერთი უფრო მეტი ჰყავს, ზოგს - მეორე. თუმცა 42 წლის კუბელ იოელ რომეროს, ალბათ, ყველაზე ცოტა მოძულე ჰყავს არა მხოლოდ შერეული ორთაბრძოლების, არამედ სპორტის ისტორიაში. დიახ, იქ 42 წერია და არა 32 ან 22. იოელი წარმოშობით კუბელია. პრაქტიკულად, მთელი ახალგაზრდობის წლები თავისუფალ ჭიდაობას მიუძღვნა, სიდნეის ოლიმპიადაზე ვერცხლიც აიღო. სხვათაშორის, მსოფლიო ჩემპიონატზე ქართველ რევაზ მინდორაშვილთან დამარცხდა. იოელი მოგვიანებით უკვე შერეული ორთაბრძოლებით დაინტერესდა. მისი ძმა იოან პაბლო ერნანდესი კრივში მსოფლიოს ჩემპიონი იყო და სწრაფად აათვისებინა ეს სპორტი. შესაბამისად, ჩვენ მივიღეთ ათლეტური აღნაგობის საუკეთესო ჭიდაობის ბაზისა და კრივის მებრძოლი. ყველაფერი კარგად მიდიოდა, მაგრამ ერთ-ერთ ვარჯიშზე რომერომ კისერი დაიზიანა და ექიმებმა სპორტით დაკავება სამუდამოდ აუკრძალეს. როგორც თვითონ ამბობს, "თავად ღმერთს უნდოდა ჩემი სპორტსმენობა" და არაბუნებრივი ძალის დახმარებით, მან შეძლო ვარჯიშების გაგრძელება. მიუხედავად გვიანი სტარტისა, რომერო ნამდვილი მანქანა გახდა და ახალგაზრდა და მშიერ მებრძოლებს პანტაპუნტით ანოკაუტებდა. ვეტერანმა დაამარცხა UFC-ის 3 ექსჩემპიონი: ლიოტო მაჩიდა, კრის ვეიდმანი და ლიუკ როკჰოლდი. აღსანიშნავია, რომ სამივე დაანოკაუტა. მაშინდელ ჩემპიონ რობერტ უითაკერს უარი საკმაოდ ახლო ბრძოლა მისცა, თუმცა ორივეჯერ სადავო გადაწყვეტილებით იოელი დამარცხდა. აღსანიშნავია, რომ ეს ორი ბრძოლა უითაკერისთვის იმდენად მძიმე აღმოჩნდა, რომ მას შემდეგ ტრავმები დაეწყო და ძველი ფორმა ვერ დაიბრუნა. რომერო ასევე გამორჩეულია თავისი პოზიტივით და სილაღით. ის ხშირად სალსას ცეკვავს, დიდ დროს ატარებს გულშემატკივართან, სასტიკი ნოკაუტებით გამარჯვების შემდეგ კი კოცნის მოწინააღმდეგეებს. კარგად არ იცის ინგლისური და კუბური აქცენტი და გატეხილი ინგლისური მას კიდევ უფრო საყვარელს ხდის. კვირას იოელს, სავარაუდოდ, საბოლოო შანსს ექნება, რომ ჩემპიონი გახდეს.  იმასაც გეტყვით, რომ 42 წლის კუბელის ბევრს ეშინია და ხშირად არავინ ხვდება. მაგალითად, ინგლისელი დარენ ტილი ღიად აცხადებს, რომ არასდროს შეხვდება რომეროს.