UFC-ის ყოფილმა ჩემპიონმა, ირლანდიელმა კონორ მაკგრეგორმა ლეკ ხაბიბ ნურმაგომედოვს კიდევ ერთხელ დასცინა, ამჯერად YouTube-არხ The MacLife-თან საუბრის დროს.
"ხაბიბი სპილოსავით გამოიყურება. ახლა ის პატარა მსუქან სპილოს ჰგავს, რომელსაც დრო თავის გემოზე გაჰყავს და სიამოვნებასაც იღებს.
მგონია, რომ გეიჯისთან 24 ოქტომბერს გამართული ბრძოლის წინ წონა არ "ჩაუბარებია". მისი მასა ძალიან უცნაურად გამოიყურებოდა და აწონვის პროცედურაც საეჭვო ჩანდა.
საერთოდ, ტონისთან გახსოვთ, რა გააკეთა? როგორ შეეძლო ასე მოქცეულიყო და ეს შეხვედრა ჩაეშალა? სატიტულო ორთაბრძოლა დაგინიშნეს, შენ კი უბრალოდ იმალები. ეს მისი მიდგომაა და ყოველთვის წარმატებულად იყენებს ხოლმე", - თქვა კონორმა.
ამ ეტაპზე ხაბიბ ნურმაგომედოვი UFC-ის საუკეთესო მებრძოლია და რეიტინგსაც ლიდერობს. კონორი ამ რეიტინგში მე-12 გახლავთ. ხოლო მსუბუქ წონაში, რომელსაც, ცხადია, სათავეში ხაბიბი უდგას, კონორი მე-4 პოზიციაზეა.
2020 წლის UFC-ის ყველაზე მაღალშემოსავლიანი მებრძოლები [PHOTO]
![ხამზატსა და ხაბიბს ჩხუბამდე ცოტა დააკლდათ - ჩიმაევმა ნურმაგომედოვის ბიძაშვილს დაარტყა [VIDEO]](/pictures/image7/eb59bd8e9b03ca42ca0cae6dffd7f96b.jpg "ხამზატსა და ხაბიბს ჩხუბამდე ცოტა დააკლდათ - ჩიმაევმა ნურმაგომედოვის ბიძაშვილს დაარტყა [VIDEO]")
![ირლანდიელი ბიჭი შემწეობიდან მილიონერობამდე და მისი მეუღლე, როგორც წარმატების საიდუმლო ფორმულა [VIDEO]](/pictures/image7/f3864c3e3702e9bcb998fb078781cb49.png "ირლანდიელი ბიჭი შემწეობიდან მილიონერობამდე და მისი მეუღლე, როგორც წარმატების საიდუმლო ფორმულა [VIDEO]")
