ტოკიოს 2020 წლის ოლიმპიადის სალიცენზიო ტურნირის უკანასკნელ ტურში საქართველოს ნაკრები მონტენეგროსთან 9:11 დამარცხდა და A ჯგუფში მესამე ადგილზე გავიდა.
ტურნირის რეგლამენტის თანახმად, ჩვენი გუნდი B ჯგუფის მეორეადგილოსანს უნდა შეხვდეს, ეს კი ხორვატიის ძალიან ძლიერი გუნდია, რომელმაც 2018 წელს ევროპის თასი მოიგო, 2019 წელს კი ფინალში დამარცხდა.
საქართველოსა და ხორვატიის ნაკრებების მატჩი 19 თებერვალს, თბილისის დროით 21:00 საათზე დაიწყება. ამ წყვილში გამარჯვებული ნახევარფინალში მონტენეგროსა და ნიდერლანდებს შორის გამარჯვებულს შეხვდება.
ტოკიო 2020. საქართველოს ნაკრებმა ბრაზილიას მოუგო და პლეი-ოფში გავიდა
