"ფერარის" ყოფილმა პრეზიდენტმა ლუკა დი მონტეძემოლომ კომენტარი გაუკეთა ფორმულა 1-ში ხელმძღვანელობის ცვლილებას. შეგახსენებთ, რომ ჩემპიონატის აქციათა საკონტროლო პაკეტი კომპანია Liberty Media-მ შეიძინა, რის შემდეგაც, გენერალური პრომოუტერის პოსტიდან ბერნი ექლსტოუნი წავიდა.
"ფორმულა 1-მა თავისი მთავარი შეცდომა მაშინ დაუშვა, როცა 2006 წელს, საკონტროლო პაკეტი მიჰყიდა საინვესტიციო ფონდს CVC-ს. ამის შემდეგ, ფორმულა 1-ში ინოვაციებმა კრახი განიცადეს.
ახალი მმართველების მოსვლის შემდეგ, რბოლები უფრო მოკლე გახდება, გულშემატკივრებთან კომუნიკაცია - ეფექტური. გამარტივდება რეგლამენტი. ახალი მეპატრონეები აპირებენ გაამყარონ კონცეპცია, რომ ფორმულა 1 - ეს არის სპორტი ევროპული
რბოლები აშშ-ში - ეს კარგია, მაგრამ არა უმეტეს ორი ეტაპისა სეზონში. ჩვენ უფრო აქტიურად უნდა მოვიზიდოთ გულშემატკივრები ტრასებზე. სპორტის არც ერთი სახეობა არ არსებობს ფანების გარეშე", - განაცხადა ლუკა დი მონტეძემოლომ გაზეთ La Repubblica-სთან კომენტარში.
ყოველდღიური სპორტული გაზეთი "ლელო"
