მონაკოს გრანპრის შემდეგ, ფორმულა 1-ის ოფიციალურმა ვებგვერდმა რამდენიმე საინტერესო სტატისტიკური მონაცემი გამოაქვეყნა...კვალიფიკაცია
- კიმი რაიკონენის პოული მონაკოში მე-17 იყო ფინელი პილოტის კარიერაში და პირველი მისთვის 2008 წლის საფრანგეთის გრანპრის შემდეგ -128 ეტაპის წინ. ამდენივე პოული ჰქონდა ჯეკი სტიუარტს - ისინი საერთო რეიტინგში მე-17 ადგილს იყოფენ.
- რაიკონენის პოული - ორმოცდამეათეა ფინელი პილოტებისთვის ფორმულა 1-ში.
- პირველად 2012 წლის შემდეგ, "ფერარიმ" ორი პოული მოიპოვა ერთ სეზონში.
- ზედიზედ მესამე წელია, პოულის მფლობელი ვერ ახერხებს მონაკოს რბოლის მოგებას. მსგავსი სერია არ
რბოლა
- მონაკოში მოგება 45-ეა სებასტიან ფეტელის კარიერაში და მესამე - ამ სეზონში. ლუის ჰემილტონს ორი მოგება აქვს, ვალტერი ბოტასს - ერთი.
- ფეტელის გამარჯვებამ გააგრძელა გერმანელი პილოტების წარმატებული გამოსვლის სერია მონაკოში - 10 მოგება ბოლო 24 რბოლაში.
- "ფერარიმ" შეძლო მონაკოში "მერსედესის" მოგებათა სერიის (2013-16) შეწყვეტა.
- მეორე ადგილზე გასვლით, კიმი რაიკონენი პირველად ავიდა მონაკოში პოდიუმზე 2009 წლის შემდეგ.
- პირველად გერმანიის 2010 წლის გრანპრის შემდეგ, "ფერარიმ" დუბლის შესრულება შეძლო.
- დანიელ რიკარდო მესამე ადგილზე გავიდა და კარიერაში მეოცედ ავიდა პოდიუმზე. ის გაუთანაბრდა ნინო ფარინასა და ჯონ უოტსონს. ბოლო ოთხი წლის განმავლობაში, რიკარდო მესამედ შევიდა მონაკოს გრანპრის პირველ სამეულში.
- კარლოს საინსმა მეექვსე ადგილი დაიკავა და კარიერაში თავისი საუკეთესო შედეგი გაიმეორა - შარშან ის მეექვსე იყო ესპანეთში, აშშ-სა და ბრაზილიაში. საინსის ამ წარმატების წყალობით, ესპანელ პილოტებს ფორმულა 1-ში ორი ათასი ქულა დაუგროვდათ.
- პირველად 2011 წლის შემდეგ, მონაკოში პოდიუმზე "მერსედესის" არც ერთი პილოტი არ გვინახავს. გარდა ამისა, შეწყდა "მერსედესის" სერია, რომელიც ზედიზედ 21 პოდიუმს მოიცავდა. სიგრძის მიხედვით, ეს იყო მეოთხე სერია ფორმულა 1-ის ისტორიაში. ყველაზე გრძელი სერია ეკუთვნის "ფერარის" - ზედიზედ 53 პოდიუმი 1999-2002 წლებში.
- პირველად ისტორიაში, "ჰაასმა" ორივე პილოტი მოახვედრა ქულათა ზონაში.
- პირველად "ფორმულა 1-ში დებიუტის შემდეგ, "მაკლარენმა" ქულა ვერ აიღო სეზონის პირველ ექვს რბოლაში.
- მე-13 ადგილზე გასვლით, სერხიო პერესმა შეწყვიტა 15 რბოლისგან შემდგარი სერია, რომლის დროსაც, ის მინიმუმ ერთი ქულის აღებას ახერხებდა. ახლა, ყველაზე გრძელი მოქმედი სერია ფეტელსა და ჰემილტონს აქვთ - 11-11 შედეგიანი რბოლა.
- ჯენსონ ბატონი გაუთანაბრდა ფორმულა 1-ში სტარტების რაოდენობით მიხაელ შუმახერს - 306. ფორმულა 1-ში მხოლოდ რუბენს ბარიკელოს აქვს მეტი სტარტი - 322.
ყოველდღიური სპორტული გაზეთი "ლელო"
