მიკ შუმახერი: მამა ყოველთვის მისაბაძი მაგალითი იყო

AutoSharing Option
მსოფლიოს შვიდგზის ჩემპიონის მიხაელ შუმახერის ვაჟი მიკ შუმახერი 2017 წელს, ევროპის ფორმულა 3-ში გამოვა. გერმანულ ტელეარხ RTL-თვის მიცემულ ინტერვიუში 18 წლის პილოტი ლაპარაკობს საკუთარ ამოცანებსა და ძლიერ მხარეებზე, აგრეთვე, მამისადმი დამოკიდებულებაზე.

"მამაჩემი ყოველთვის იყო მისაბაძი მაგალითი. ჩემთვის ის - საუკეთესოა. ის ჩემი კერპია. და მეც ვისწრაფვი იმისკენ, რომ მსოფლიოს ჩემპიონი გავხდე", - განაცხადა მიკმა.

უმცროს შუმახერთან თანამშრომლობით დაინტერესებულია როგორც "მერსედესი", ასევე "ფერარი". მაგრამ გერმანელი არ ჩქარობს რომელიმე საჯინიბოსთვის უპირატესობის მინიჭებას: "დღეს მე შემიძლია ვიმოქმედო საკუთარი მოსაზრებით, მაგრამ შევხედავთ, მომავალში როგორ
განვითარდება მოვლენები. რბოლებში მონაწილეობა დიდ სიამოვნებას მანიჭებს და შემიძლია სწორად შევაფასო სიტუაცია ტრასაზე".

ფორმულა 4-ისა და ფორმულა 3-ის მანქანების შედარებისას, მიკმა აღნიშნა: "თუ შევაფასებთ მაქსიმალურ სიჩქარეს, სხვაობა დიდი არ არის - ფორმულა 4-ის მანქანაც ძალიან სწრაფია. სხვაობა სიჩქარეში შესამჩნევია მოსახვევებში, რის გამოც, ფორმულა 3-ის მანქანა წრეს 10-12 წამით უფრო სწრაფად გადის.

ამ სეზონში მინდა პროგრესი გავაგრძელო, ბევრი რამ ვისწავლო და იმედია, ახალბედებს შორის საუკეთესო გავხდები".

ყოველდღიური სპორტული გაზეთი "ლელო"
მკითხველის კომენტარები / 0 /
კომენტარი ჯერ არ გაკეთებულა.

სიახლეები პოპულარული