ჰოლივუდის ვარსკვლავი ლეონარდო დი კაპრიო სარბოლო გუნდის - Venturi Grand Prix-ის თანადამაარსებელი გახდა.მსახიობის პარტნიორია ჯიოდო პალანკა პასტორი (კომპანია Venturi Automobiles-ის მფლობელი), "ვენტურა გრანპრი" კი მომავალი სეზონიდან ახალ სარბოლო სერიაში - ფორმულა E-ში გამოვა. ამ სერიაში ერთადგილიანი ელექტროავტომობილებით ირბოლებენ.
"პლანეტის მომავალი დამოკიდებულია ენერგეტიკულად სუფთა სატრანსპორტო საშუალებების შექმნაზე და მე ბედნიერი ვარ, რომ ამ პროექტის ნაწილი გავხდი", - განაცხადა დი კაპრიომ.
ფორმულა E-ს განვითარებაში მონაწილეობას იღებენ ისეთი კომპანიები, როგორებიც არიან - Renault-ი, McLaren-ი, Dallara, Qualcomm-ი, Michelin-ი და Virgin-ი. დი კაპრიოს გუნდი
ფორმულა E-ს რბოლებს 10 ქალაქი უმასპინძლებს. უკვე ცნობილია, რომ ეტაპები გაიმართება პეკინში, ლოს ანჯელესში, მაიამიში, ბუენოს აირესში, ბერლინსა და ლონდონში.
ყოველდღიური სპორტული გაზეთი "ლელო"
ასევე იხილეთ:
ჟან ტოდტი ისევ პრეზიდენტია
![გაიცანით ფორმულა E - ლოს ანჯელესში ელექტრობოლიდის პრეზენტაცია შედგა [PHOTO]](/pictures/image7/55d3e7211344157f89a5fcb12dcd54a9.jpg "გაიცანით ფორმულა E - ლოს ანჯელესში ელექტრობოლიდის პრეზენტაცია შედგა [PHOTO]")
