კლასიკურ რალიში მსოფლიოს ჩემპიონატი თანდათან კარგავს აზრს. გასულ უქმეებზე გაიმართა მორიგი ეტაპი - პოლონეთის რალი, რომელზეც სეზონში მეხუთე გამარჯვება მოიპოვა "ფოლკსვაგენის" პილოტმა, მსოფლიოს მოქმედმა ჩემპიონმა სებასტიან ოჟიემ და ძალიან მიუახლოვდა ზედიზედ მესამე ტიტულს.ფრანგმა უკვე პარასკევს ჩაიგდო ხელთ ლიდერობა და თანდათან შორდებოდა თანაგუნდელსა და მთავარ კონკურენტს ანდრეას მიკელსენს. ოჟიე პოლონეთში შესანიშნავ ფორმაში იყო და ბოლო სპეცმონაკვეთიც მოიგო, რითაც ეტაპზე ქულების მაქსიმუმი მოიპოვა.
ოჟიემ პოლონეთის რალი მიკელსენზე 12-წამიანი უპირატესობით დაასრულა. "ფოლკსვაგენის" მესამე წევრი იარი-მატი ლატვალა, რომელიც ესტონელ ოდ ტანაკს მესამე ადგილისთვის
გენერალურ კლასიფიკაციაში ოჟიე უკვე 78 ქულით უსწრებს მიკელსენს.
მომდევნო ეტაპი აგვისტოში ფინეთში გაიმართება.
ყოველდღიური სპორტული გაზეთი "ლელო"
