2 მარტს, კუალა ლუმპურში (მალაიზია) ჩოგბურთელ ქალთა საერთაშორისო ტურნირის (საპრიზო ფონდი 250.000 დოლარი) წყვილთა პაექრობაში პირველი შეხვედრა გამართა თბილისელმა ოქსანა კალაშნიკოვამ (წყვილთა რეიტინგით 44-ე). ყაზახ გალინა ვოსკობოევასთან (102-ე) ერთად მან სტარტზე მიიუ კატოსა (იაპონია, 33-ე) და კაი-ლინ ჟანის (ჩინეთი, 133-ე) დუეტი სამ სეტში დაამარცხა - 2:6, 6:3, 10:8 და მეოთხედფინალში გავიდა, სადაც რუსებთან - ვერონიკა კუდერმეტოვასა (86-ე) და ნათელა ძალამიძესთან (93-ე) გაარკვევს ურთიერთობას.
ძალამიძემ და კუდერმეტოვამ პირველ წრეში ასპარეზობის რეიტინგფავორიტი ჩინელები - ჩენ ლიანი (53-ე) და საისაი ჟენი (36-ე) ჩამოიშორეს
(იბეჭდება მცირე ცვლილებით)
ყოველდღიური სპორტული გაზეთი "ლელო"
