წინა კვირას სტამბოლში, ჩოგბურთელ ვაჟთა საერთაშორისო ტურნირზე (საპრიზო ფონდი 10.000 დოლარი) თბილისელმა ალექსანდრე მეტრეველმა წარმატებით ითამაშა - ზედიზედ ხუთ მეტოქეს სძლია და მთავარი პრიზი მოიპოვა. ჩვენებური სტამბოლშივე დარჩა, ახალ 10.000-იან ტურნირში ჩაება და ისევ შეუფერხებლად მიიწევს წინ - ორი მეტოქე ჩამოიშორა გზიდან: სტარტზე ავსტრალიელ დანიელ ჰობერტს აჯობა - 7:6, 6:0, 8 ივლისს კი იტალიელი მატეო ტინელი დაამარცხა - 6:3, 6:3.
მეოთხედფინალში მეტრეველი მეორე ნომრად განთესილ ძმიტრი ჟირმონტს (ბელორუსი) დაუპირისპირდება. ამ უკანასკნელმა მეორე წრეში ყირგიზ დანიარ დულდაევს მოუგო - 6:3, 6:3.
![ATP CUP: ქართველი ჩოგბურთელის პირველი გამარჯვება ერთეულებში! [VIDEO]](/pictures/image7/9c80fb666415ee034f9edfcc165b46ab.jpg "ATP CUP: ქართველი ჩოგბურთელის პირველი გამარჯვება ერთეულებში! [VIDEO]")
