ტოკიოში გრძელდება ახალგაზრდა ძალოსანთა მსოფლიოს ჩემპიონატი. 20 ივნისს 85 კილოგრამ წონით კატეგორიაში ქართველმა ათლეტმა რეზი დავითაძემ ატაცში სამივე ცდა გამოიყენა - ჯერ 154 კილოგრამი, მერე 159 და 162 კილო აიტაცა და ამ მოძრაობაში ოქროს მედალი მოიპოვა. მეორე-მესამე ადგილებზე ფარეს იბრაჰიმ ელბახი (ყატარი, 160) და კეიდომარ ჯოვანი ვალენილა სანჩესი (ვენესუელა, 156) გავიდნენ.
აკვრაში დავითაძემ მხოლოდ 185-კილოგრამიანი შტანგა დაიმორჩილა, რაც მე-9 შედეგი იყო. ორჭიდში მან 347 კილოგრამით მესამე ადგილი დაიკავა. ჩემპიონობა ფარეს იბრაჰიმ ელბახმა (353 კგ) მოიპოვა. 348 კილოგრამით მეორე იყო კეიდომარ
მსოფლიოს პირველობაზე კიდევ სამი ქართველი მოსინჯავს ძალებს: 105 კილოში იასპარეზებენ დავით ხეცურიანი (20-წლამდელებში ევროპის ვერცხლისპრიზიორი) და ირაკლი ჩხეიძე (ჭაბუკებში მსოფლიოს და ევროპის ჩემპიონი), ხოლო მძიმე წონაში (+105) საქართველოს სპორტულ ღირსებას ახალგაზრდებში შარშანდელი მსოფლიოს ჩემპიონი გიორგი ჩხეიძე დაიცავს.
(იბეჭდება მცირე ცვლილებით)
ყოველდღიური სპორტული გაზეთი "ლელო"
