განსაკუთრებით მოხმალავეებმა - თბილისელმა თეოდორა კახიანმა და ქუთაისელმა მიხეილ მარდალეიშვილმა გამოიჩინეს თავი.
თეოდორამ საქართველოს პირველობა ჯერ კადეტებში, შემდეგ უფროსებშიც მოიგო, ქვეყნის თასსაც გამოჰკრა ხელი. თურქეთის თასიც დაიმსახურა, ხოლო ევროპის თასის ერთ-ერთ ეტაპზე სოფიაში მესამე ადგილზე გავიდა. მარდალეიშვილმა საქართველოს ჩემპიონატში, ირანის თასსა და ახალგაზრდებში მსოფლიოს თასის ეტაპზე მესამე ადგილები დაიკავა, კონტინენტის თასის გათამაშებაზე ორჯერ რვა საუკეთესოში მოხვდა.
ამჟამად ევროპელ თანატოლთა შორის რეიტინგით მეცხრამეტეა. საქართველოს ფარიკაობის ფედერაციამ 2010 წლის შედეგების შეჯამების შემდეგ ორივე მოხმალავე წლის
საგულისხმოა, რომ უკვე 7-8 იანვარს კახიანი იტალიაში ახალგაზრდებს შორის მსოფლიოს თასის ეტაპზე გამოვა, მარდალეიშვილი კი იანვრის ბოლოს ლონდონში ევროპის თასის ეტაპზე იასპარეზებს.
***
საქართველოს დამსახურებული მწვრთნელის, შოთა დარასელიას ქალიშვილი - რაპირაში სპორტის ოსტატი მანანა დარასელია რამდენიმე წლის წინათ ავტოკატასტროფაში დაიღუპა.
მისი მეგობრებისა და საქართველოს ფარიკაობის ფედერაციის ინიციატივითა და თანადგომით მეორედ გაიმართა მანანა დარასელიას ხსოვნისადმი მიძღვნილი ტურნირი ვეტერანთა შორის. საპრიზო ადგილები ასე განაწილდა: 1. ხათუნა ჭუმბურიძე, 2. ინგა ფრანგიშვილი, 3. ირინა სალუქვაძე და ხათუნა მამუკაშვილი.
