მინსკში გრძელდება მოკრივეთა ევროპის ჩემპიონატი, რომელშიც 36 ქვეყნის 300-მდე წარმომადგენელი ჩაება, მათ შორის - რვა სპორტსმენი საქართველოდან. ექვსი მათგანი 5 ივნისს ნახევარფინალში მოსახვედრად იბრძოლებს.
4 ივნისს ხუთი ჩვენებური გავიდა რინგზე. ევროპის ბრინჯაოსპრიზიორი ჯაბა ხოსიტაშვილი (75 კგ) სტარტზე პატრიკ ფეილის (ჩეხეთი) ძლევის შემდეგ 4 ივნისს მასპინძელ ვიტალი ბანდარენკასთან (ბელორუსი) დამარცხდა - 0:3 და, იაგო კიზირიას (81) მსგავსად, შეჯიბრებას გამოეთიშა.
სამაგიეროდ, დანარჩენებმა იყოჩაღეს: დავით ნანავამ (49) მასპინძელი ვაძიმ კირილენკა დაჯაბნა - 3:0, გიორგი გოგატიშვილმა ძიმიტრი საპუნს (ბელორუსი) მოუგო - 2:1, ხოლო ევროპის
წინა დღეს ასევე მეოთხედფინალში გავიდნენ ავთანდილ ჭუბაბრია (52) და ევროპის მესამეპრიზიორი მიხეილ ბახტიძე (+91).
5 ივნისს ბელორუსის დედაქალაქის რინგზე ექვსივე ჩვენებური იასპარეზებს: დავით ნანავა - სალმან ალიზადა (აზერბაიჯანი), ავთანდილ ჭუბაბრია - ოვიკ ოჰანესიანი (რუსეთი), გიორგი გოგატიშვილი - ვლადიმირ ნიკიტინი (რუსეთი), ზაალ კვაჭატაძე - ვიტალი მარუტჯანი (გერმანია), დენის გულედანი - დენის პოიატსიკა (უკრაინა), მიხეილ ბახტიძე - ჯოზეფ ჯოისი (ინგლისი).
ყოველდღიური სპორტული გაზეთი "ლელო"
