მცდარი აღმოჩნდა ინფორმაცია იმის შესახებ, რომ ფლოიდ მეივეზერსა და მენი პაკიაოს შორის 2 მაისს დანიშნული ბრძოლის ბილეთები 15 წუთში გაიყიდა. ოფიციალურად "საუკუნის ბრძოლაზე" დასასწრები ბილეთების რეალიზაცია ჯერ არ დაწყებულა, თუმცა კულუარებში სერიოზული ბრძოლაა გაჩაღებული კრივის ისტორიაში ერთ-ერთ უმნიშვნელოვანეს ბრძოლაზე დასასწრებად.რაც შეეხება VIP-ბილეთებს, ჩვეულებრივ, მათ უფასოდ ურიგებენ სხვადასხვა დარგში ვარსკვლავებს, მაგრამ ამჯერად ვერც ერთი ცნობილი ადამიანი ვერ შეძლებს ამ ბრძოლაზე უფასოდ შესვლას. როგორც იტყობინებიან, ერთი VIP-ბილეთის ფასი დაახლოებით 65 ათასი დოლარი იქნება.
"ვერავინ მიიღებს ბილეთს უფასოდ, - განაცხადა პაკიაოს პრომოუტერმა
რაც შეეხება ჩვეულებრივ ბილეთებს, არსებობს ვარაუდი, რომ საერთო გაყიდვაში მათი მცირე ნაწილი გამოვა. ამ მომენტისთვის ერთი ბილეთის საშუალო ფასი 10 ათას დოლარს უდრის, მაგრამ მათი შეძენა კრივის სამყაროს ყველა წარმომადგენელს არ შეეძლება, აღარაფერს ვამბობთ ჩვეულებრივ გულშემატკივრებზე.
(იბეჭდება მცირე ცვლილებით)
ყოველდღიური სპორტული გაზეთი "ლელო"
![ცეცხლთან თამაში არ ღირს: ჯეიკ პოლმა მეივეზერს კეპი წაართვა, შემდეგ კი მაისური თავზე გადაახიეს და სათვალეც დაუმტვრიეს [VIDEO]](/pictures/image7/49b98128a1ee5f1e39567368eb308bea.jpg "ცეცხლთან თამაში არ ღირს: ჯეიკ პოლმა მეივეზერს კეპი წაართვა, შემდეგ კი მაისური თავზე გადაახიეს და სათვალეც დაუმტვრიეს [VIDEO]")
