სუპერმძიმე კატეგორიაში WBA-ს, WBO-სა, IBF-ის ჩემპიონი, უკრაინელი ვლადიმირ კლიჩკო მსოფლიოს საუკეთესო მოკრივე გახდა ყველა წონის გაერთიანებულ რეიტინგში.მას შემდეგ, რაც სპორტული კარიერა დაასრულა ფლოიდ მეივეზერმა, პორტალმა Boxrec.com-მა განაახლა აღნიშნული რეიტინგი. 39 წლის უკრაინელი, რომელიც კლასიფიკაციის მეორე ნომერი იყო, პირველ პოზიციაზე გადავიდა. ვლადიმირს პროფესიულ რინგზე 64 მოგება (53 - ნოკაუტით) და სამი წაგება აქვს. მისი ბოლო მარცხი 2004 წლით თარიღდება.
შეგახსენებთ, რომ 13 სექტემბერს, ლას ვეგასში ფლოიდ მეივეზერმა ანდრე ბერტო დაამარცხა მსაჯების ერთსულოვანი გადაწყვეტილებით. ეს იყო ამერიკელის 49-ე მოგება პროფესიულ რინგზე.
გთავაზობთ Boxrec.com-ის გაერთიანებული რეიტინგის ტოპ-ხუთეულს:
1. ვლადიმირ კლიჩკო (უკრაინა, მძიმე წონა)
2. გენადი გოლოვკინი (ყაზახეთი, საშუალო წონა)
3. საულ ალვარესი (მექსიკა, საშუალო წონა)
4. სერგეი კოვალიოვი (რუსეთი, ნახევრადმძიმე წონა)
5. მენი პაკიაო (ფილიპინები, ნახევრადსაშუალო წონა)
ყოველდღიური სპორტული გაზეთი "ლელო"
![ცეცხლთან თამაში არ ღირს: ჯეიკ პოლმა მეივეზერს კეპი წაართვა, შემდეგ კი მაისური თავზე გადაახიეს და სათვალეც დაუმტვრიეს [VIDEO]](/pictures/image7/49b98128a1ee5f1e39567368eb308bea.jpg "ცეცხლთან თამაში არ ღირს: ჯეიკ პოლმა მეივეზერს კეპი წაართვა, შემდეგ კი მაისური თავზე გადაახიეს და სათვალეც დაუმტვრიეს [VIDEO]")
