ლეგენდარული იამაიკელი სპრინტერი უსაინ ბოლტი მძლეოსნობაში მსოფლიოს ჩემპიონატის შემდეგ შეეცდება პროფესიონალი ფეხბურთელი გახდეს. კერძოდ, რვაგზის ოლიმპიური ჩემპიონი "დორტმუნდთან" ერთად ივარჯიშებს და, შესაძლოა, კონტრაქტსაც მოაწეროს ხელი."ვივარჯიშებ "დორტმუნდთან" ერთად. ვნახოთ, რა გამოვა აქედან. თუ ყველაფერი კარგად წავა, ვეტყვი ხელმძღვანელობას, რომ მათ გუნდში თამაში მინდა. თუ არაფერი გამოვა, საბოლოოდ გავჩუმდები", - მოჰყავს ბოლტის სიტყვები ესპანურ გამოცემა "მარკას".
მძლეოსნობაში მსოფლიოს ჩემპიონატი 4-13 აგვისტოს ლონდონში გაიმართება. ეს იქნება ბოლო ტურნირი იამაიკელის კარიერაში.
ყოველდღიური სპორტული გაზეთი "ლელო"
