გერმანელმა მუსიკოსმა და სკულპტორმა ვიტა დიდელ კლევერმა პლანეტის ყველაზე სწრაფი ადამიანის, 26 წლის იამაიკელი უსაინ ბოლტის უკვდავყოფა გადაწყვიტა. სკულპტურა, რომელიც თანამედროვე გერმანული ხელოვნების წარმომადგენელმა შექმნა, მეტალის უამრავი დეტალის ნაზავს წარმოადგენს. შედეგად წარმოიქმნება ექვსგზის ოლიმპიური ჩემპიონის საფირმო პოზა.
ასეთი პროექტის იდეა კლევერს 2009 წელს გაუჩნდა, როცა ბოლტმა ბერლინში მსოფლიოს ჩემპიონატი მოიგო, მაგრამ სკულპტორმა მხოლოდ ახლა შეძლო თავისი ნაწარმოების წარმოდგენა, რადგან ორი წელი დასჭირდა საჭირო მასალის შესაგროვებლად.
სკულპტურას ჰქვია "ბოლტი ჭანჭიკებისგან". ის მართლაც მთლიანად ჭანჭიკებისგან არის შექმნილი. ეს ხელოვნების ნიმუში ბერლინში დადგეს.
ყოველდღიური სპორტული გაზეთი "ლელო"
