სამხრეთაფრიკელი მორბენალი ამპუტანტის, ოსკარ პისტორიუსის მეგობარმა მაიკ ეზიმ განაცხადა, რომ შეყვარებულის - რივა სტინკამპის მკვლელობაში ეჭვმიტანილი მძლეოსანი თვითმკვლელობის ზღვარზეა მისული. როგორც ეზი ამბობს, ოსკარი ვერ ეგუება ყოფილი მოდელის სიკვდილს.მაიკ ეზიმ ეს ამბავი BBC-ის გადამღებ ჯგუფს მოუყვა. ბრიტანული ტელეკომპანია გახმაურებულ მკვლელობაზე დოკუმენტურ ფილმს იღებს.
"ის ყოველთვის ახსენებს რივას და გვთხოვს, ვილოცოთ მისთვის და მისი ოჯახისთვის, - განაცხადა ეზიმ. – მის ხმაში არ იგრძნობა თვითდაჯერებულობა.
"მაგრამ ჩვენ - მისი მეგობრები ყოველთვის მის გვერდით ვიქნებით. მას არასოდეს მივატოვებთ", - დაამატა ეზიმ.
ლონდონის ოლიმპიადის მონაწილის ტრაგიკულ ბედზე შექმნილ დოკუმენტურ ფილმს BBC-ის არხზე ორშაბათს გაუშვებენ.
ყოველდღიური სპორტული გაზეთი "ლელო"
ასევე იხილეთ:
ტრაგიკული ვალენტინობის დღე - ოსკარ პისტორიუსმა შეყვარებული 14 თებერვალს მოკლა [VIDEO]
