ბრიტანულ გამოცემა "ტელეგრაფს" ხელში ჩაუვარდა "შავი სია", რომლის მიხედვითაც ირკვევა, რომ 2014 წლის სეზონში, 39 ქვეყნის 225 მძლეოსნის დოპინგ-სინჯმა აჩვენა დადებითი შედეგი. ლიდერობს რუსეთი - ამ ქვეყნის 58-მა სპორტსმენმა გამოიყენა აკრძალული პრეპარატი. მეორეზეა კენია - 25 სპორტსმენი. სიაში ლონდონის 2012 წლის ოლიმპიადის სამი ჩემპიონია, აგრეთვე, წინა ოლიმპიადების გამარჯვებულები და პრიზიორები, მსოფლიოსა და ევროპის ჩემპიონები და მსოფლიოს რეკორდსმენები. "ტელეგრაფი" მძლეოსნების გვარებს არ ასახელებს.
ამასობაში, მორიგ დოპინგ-სკანდალს დაუდო სათავე გერმანულმა ტელეარხმა WDR-მ. ორი დღის წინ ეთერში გავიდა დოკუმენტური ფილმი, რომელშიც გერმანელი ჟურნალისტები
შეგახსენებთ, რომ უფრო ადრე, მეორე გერმანულ არხზე - ARD-ზე უჩვენეს დოკუმენტური ფილმი, რომელიც რუს სპორტსმენებს დოპინგის მიღებაში ამხელს.
დღეს ამ ფილმში მოყვანილ ფაქტებს იძიებს მსოფლიოს ანტისადოპინგო სააგენტო, დოპინგ-სკანდალმა კი ის გამოიწვია, რომ მძლეოსნობის საერთაშორისო ფედერაციამ თავისი რიგებიდან გარიცხა რუსეთის მძლეოსნობის ფედერაციის პრეზიდენტი ვალენტინ ბალახნიჩევი.
ყოველდღიური სპორტული გაზეთი "ლელო"
